“గరుడ వేగ” రిలీజ్ ముందువరకూ రాజశేఖర్ గురించి మాట్లాడిన వ్యక్తి ఒక్కడు కూడా లేదు. కానీ.. రిలీజయ్యి సక్సెస్ కొట్టడంతో జనాలందరూ బెల్లంపై వాలే ఈగల్లా ఆయన ఇంట్లో వాలిపోయారు. పాపం ఎలాంటి కల్లాకపటం తెలియని రాజశేఖర్ వారిని ఏమాత్రం ఆలోచించకుండా ఎప్పట్లానే ఆదరించాడు. అయితే.. సినిమా విడుదలకు సరిగ్గా పదిరోజుల ముందు రాజశేఖర్ ఇంట్లో ఒక ఘోరం చోటు చేసుకోబోయిందట. అప్పటికే తల్లి మరణం బాధిస్తుండగా సినిమా రిలీజావుతుందన్నా టెన్షన్, ఆడియన్స్ ఎలా రిసీవ్ చేసుకొంటారో అన్న విపరీతమైన ఆలోచనతో ఉండగా సడమ్ గా రాజశేఖర్ కు చిన్న హార్ట్ స్ట్రోక్ వచ్చిందట. అయితే.. ఈ విషయం బయటివారికి తెలియకుండా ట్రీట్ మెంట్ చేయించారట జీవిత మరియు కుమార్తెలు శివాని-శివాత్మిక.
అయితే.. ఒక్కరోజులో రాజశేఖర్ తేరుకొని సినిమా ప్రమోషన్స్ లో హుందాగా పాలుపంచుకొన్నారు. ఈ విషయాన్ని స్వయంగా రాజశేఖర్ కుమార్తె శివాని ఇటీవల ఓ టాక్ షోకి గెస్ట్ గా విచ్చేసినప్పుడు చెప్పడం అక్కడి వారి కళ్ళు చెమర్చేలా చేసింది. 20 ఏళ్ల సినిమా చరిత్ర ఉండి.. ఇండస్ట్రీలో విశేషమైన పరిచయాలు ఉండి కూడా రాజశేఖర్ లాంటి సీనియర్ హీరో తన సినిమా విషయంలో ఈస్థాయిలో టెన్షన్ పడ్డాడంటే.. ఇక నార్మల్ హీరోస్ అండ్ ప్రొడ్యూసర్స్ పరిస్థితి ఏంటి? అనే అందరూ ఆలోచిస్తున్నారు.
