గురు సినిమా తర్వాత విక్టరీ వెంకటేష్ అనేక కథలు విన్నారు. కొన్ని చర్చలు జరిగిన తర్వాత ఆగిపోయాయి. చివరికి తేజ దర్శకత్వంలో నటించడానికి గ్రీన్ సిగ్నల్ ఇచ్చారు. అనిల్ సుంకర, సురేష్ బాబు సంయుక్తంగా నిర్మిస్తున్న ఈ చిత్రం ప్రీ ప్రొడక్షన్ పనులు వేగంగా సాగుతున్నాయి. నేనే రాజు నేనే మంత్రి మూవీ తర్వాత తేజ డైరక్ట్ చేస్తున్న ఈ సినిమాలో హీరోయిన్ ఎంపిక పూర్తి అయినట్లు తెలిసింది. రాజా ది గ్రేట్ తో అందరినీ ఆకట్టుకున్న మెహ్రీన్ ఖరారు చేసినట్లు సమాచారం. నేటి టాప్ హీరోయిన్స్ సీనియర్ హీరోలతో నటించడానికి వెనుకాడుతుండడంతో ఈ మంచి అవకాశం మెహ్రీన్ ని వరించిందని ఫిలిం నగర్ వాసులు చెప్పుకుంటున్నారు.
నవంబర్ రెండో వారంలో సెట్స్ మీదకు వెళ్లనున్న ఈ చిత్రంలో వెంకటేష్ కాలేజ్ ప్రొఫెసర్ పాత్రలో కనిపించబోతున్నట్లు టాలీవుడ్ వర్గాలు తెలిపాయి.
