యంగ్ టైగర్ ఎన్టీఆర్ బాబీ దర్శకత్వంలో చేసిన జై లవకుశ హిట్ కావడంతో సంతోషంలో ఉన్నారు. విదేశాల్లో విహారానికి వెళ్లొచ్చిన తర్వాత విశ్రాంతి తీసుకోకుండా తన డ్రీమ్ ప్రాజక్ట్ ని పట్టాలెక్కించడానికి ఎన్టీఆర్ సిద్ధమయ్యారు. మాటల మాంత్రికుడు త్రివిక్రమ శ్రీనివాస్ దర్శకత్వంలో నటించాలనే తన కల మరికొన్ని నెలల్లో నెరవేరబోతోంది. హారిక అండ్ హాసిని బ్యానర్లో రాధా కృష్ణ నిర్మించనున్న ఎన్టీఆర్ 28 సినిమా ప్రీ ప్రొడక్షన్ పనులు మొదలయ్యాయి.
ఆర్టిస్టులను, టెక్నీషియన్లను ఇప్పుడే ఫిక్స్ చేస్తున్నారు. తొలిగా హీరోయిన్ ని ఫిక్స్ చేశారు. నాని సినిమా ‘మజ్ను’తో తెలుగు తెరకు పరిచయమైన అను ఇమ్మాన్యుయేల్ ని ఎన్టీఆర్ కి జోడీగా తీసుకున్నట్లు ఫిలిం నగర్ వర్గాల వారు తెలిపాయి. ప్రస్తుతం ఈ బ్యూటీ పవన్ కళ్యాణ్ పక్కన నటిస్తోంది. ఈ సినిమాలో ఆమె నటనకి మెచ్చిన త్రివిక్రమ్ తన నెక్స్ట్ సినిమాలోనూ అవకాశం ఇచ్చినట్లు తెలిసింది. మార్చిలో ఈ మూవీ సెట్స్ మీదకు వెళ్లనుంది.
