తమిళ కమర్షియల్ డైరక్టర్ శంకర్ “ఐ” మూవీ తర్వాత చేస్తున్న 2 .0 సినిమా షూటింగ్ చివరి దశకు చేరుకుంది. ఆరేళ్లక్రితం రిలీజ్ అయి సంచలనం సృష్టించిన రోబో చిత్రానికి సీక్వెల్ గా వస్తున్న ఈ మూవీలోనూ సౌత్ ఇండియన్ సూపర్ స్టార్ రజనీకాంత్ శాస్త్రవేత్త గా మరోమారు ప్రయోగాలు చేయనున్నారు. ఈ చిత్రంలోని హైలెట్స్ తాజాగా బయటికి వచ్చాయి. ఈ సినిమాకి సంబంధించిన చివరి షెడ్యూల్ ప్రస్తుతం ముంబైలో జరుగుతోంది. అక్కడ రజనీ .. అక్షయ్ కుమార్ ల మధ్య కీలకమైన ఏరియల్ స్టంట్ ను చిత్రీకరిస్తున్నారు. హాలీవుడ్ ఫైట్ మాస్టర్ కెన్నీ బేస్ ఈ ఫైట్ ను కంపోజ్ చేస్తున్నారట. సినిమా హైలైట్స్ లో ఒకటిగా ఈ స్టంట్ నిలవనుందని చిత్ర బృందం తెలిపింది. రెండో హైలెట్ బడ్జెట్. లైకా ప్రొడక్షన్స్ సంస్థ నిర్మిస్తోన్నఈ మూవీకి మొదట బడ్జెట్ 360 కోట్ల అనుకున్నారు. చిత్రం చివరి షెడ్యూల్ కి వచ్చేసరికి 450 కోట్లకు చేరిందని సమాచారం. విడుదల అయ్యేసరికి మరో 50 కోట్లు ఖర్చు అవుతుందని టాక్.
ఇండియాలో ఏ మూవీ ఇప్పటి వరకూ ఇంత బడ్జెట్ తో చిత్రీకరణ జరుపుకోలేదు. మూడో హైలెట్ హీరోయిన్. “ఐ” బ్యూటీ అమీ జాక్సన్ హీరోయిన్ గా నటించడం పెద్ద హైలెట్ ఏముంది అనుకుంటున్నారా? ఈమె ఈ చిత్రం కోసం న్యూడ్ గా నటించిందట. అంతర్జాతీయ ప్రమాణాలతో తెరకెక్కిస్తున్న చిత్రం కాబట్టి హీరోయిన్ కి సంబంధించిన ఒక సీన్ న్యూడ్ గా చిత్రీకరించాల్సి వచ్చిందని సమాచారం. ఇండియాలో ఈ సీన్ కి కోత పడే ఆస్కారం ఉంటుంది కానీ విదేశాల్లో ప్రదర్శితమయ్యే ప్రింట్ లో హీరోయిన్ ని న్యూడ్ గా చూడవచ్చని చిత్ర యూనిట్ సభ్యులు చెప్పారు. ఇన్ని ప్రత్యేకతలతో తెరకెక్కుతోన్న 2.0 చిత్రం టీజర్ ని తమిళ సంవత్సరాది అయిన ఏప్రిల్ 14వ తేదీన రిలీజ్ చేయనున్నారు.
Also, do SUBSCRIBE to our YouTube channel to get latest Tollywood updates.
