సూపర్ స్టార్ మహేష్ బాబు స్పైడర్ మూవీ కంప్లీట్ చేయక ముందే.. అతని నెక్స్ట్ సినిమా షూటింగ్ మొదలయింది. శ్రీమంతుడు వంటి హిట్ ఇచ్చిన కొరటాల శివ దర్శకత్వంలో మహేష్ బాబు 24 వ మూవీ చేస్తున్నారు. “భరత్ అను నేను” అనే టైటిల్ ఖరారు చేసిన ఈ మూవీ మొదటి షెడ్యూల్ గతవారం హైదరాబాద్లో జరిగింది. మహేష్ బాబు లేకుండా ఈ చిత్రీకరణ సాగింది. మహేశ్ పాత్ర చిన్నప్పటి సన్నివేశాలను మాస్టర్ జాయ్ పై తీశారు. రెండో షెడ్యూల్ జూన్16 నుంచి మొదలుకాబోతోంది. ఆ షెడ్యూల్లో మహేష్ పాల్గొననున్నారు.
ఇందుకోసం హైదరాబాద్ సిటీ శివార్లలో ఒక భారీ అసెంబ్లీ సెట్ వేస్తున్నారు. ఈ సెట్ దాదాపు పూర్తి కావచ్చింది. ఇందులో మహేష్ ముఖ్యమంత్రిగా నటిస్తున్నారు. అతను అసెంబ్లీలో లీడర్స్ పై వేసే పంచ్ లు భలే ఉంటాయని సమాచారం. ఆ సీక్వెన్స్ ని మొదటిగా కంప్లీట్ చేయాలనీ కొరటాల శివ ఫిక్స్ అయ్యారు. భారీ బడ్జెట్ తో డి.వి.వి. దానయ్య నిర్మిస్తున్న ఈ సినిమాలో బాలీవుడ్ బ్యూటీ కైరా అద్వానీ హీరోయిన్ గా ఎంపికైంది. దేవిశ్రీ ప్రసాద్ సంగీతం అందిస్తున్న ఈ చిత్రాన్ని 2018 సంక్రాంతికి విడుదల చేయనున్నారు.
Also, do SUBSCRIBE to our YouTube channel to get latest Tollywood updates.
