మన తెలుగు దర్శకులకు ఈమధ్యకాలంలో కథలు రాయడం రాకనో లేక రాసి మాత్రం ఏం లాభంలే అనుకొనో బాలీవుడ్, కోలీవుడ్, మాలీవుడ్ లో హిట్టయిన సినిమాల కథలను రీమేక్ చేయడానికి ఆసక్తి కనబరుస్తున్నారు. ఇప్పుడు తాజాగా బాలీవుడ్ లో బ్లాక్ బస్టర్ హిట్ అయిన “లుకా చుప్పి” అనే సినిమాపై టాలీవుడ్ దర్శకనిర్మాతలు మరియు హీరోల దృష్టి పడింది. పెళ్ళికి ముందే కొన్నాళ్లపాటు “లివ్ ఇన్ రిలేషన్ షిప్”లో ఉండాలనుకున్న ఓ జంట ఆ క్రమంలో పెద్దలకు దొరికిపోయి.. పెళ్లి అవ్వకుండానే పెళ్లైనట్లు తల్లిదండ్రులతో కలిసి ఉండాల్సి వస్తుంది.
ఆ క్రమంలో ఎలాగూ పెద్దలకు దొరికిపోయామ్ కాబట్టి.. పెళ్లి చేసుకువాలని ఫిక్స్ అవుతారు. ఆ క్రమంలో వాళ్ళు ఎదుర్కొన్న ఇబ్బందులేమిటి అనేది ఈ సినిమా నేపధ్యం. కార్తీక్ ఆర్యన్, కృతిసనన్ జంటగా రూపొందిన ఈ చిత్రాన్ని ఇప్పుడు తెలుగులో రీమేక్ చేసేందుకు సన్నాహాలు జరుగుతున్నాయి.టాలీవుడ్ కి చెందిన ఓ యువ కథానాయకుడు ఈ రీమేక్ రైట్స్ ను సొంతం చేసుకున్నాడని, ఆల్రెడీ స్క్రిప్ట్ వర్క్ జరుగుతోందని రూమర్స్ వచ్చినా.. బాలీవుడ్ న్యూస్ ప్రకారం ఈ సినిమా రీమేక్ రైట్స్ ఇంకా ఎవరు కొనలేదనే వార్త కన్ఫర్మ్. మరి ఆ బాలీవుడ్ సూపర్ హిట్ రీమేక్ ను ఎవరు కొంటారో, ఎవర్ని పెట్టి రీమేక్ చేస్తారో చూడాలి.
