మెగాస్టార్ చిరంజీవి తొమ్మిదేళ్ల త‌ర్వాత సినిమా చేస్తుండడంతో దానిపై భారీ అంచనాలు ఏర్పడ్డాయి. మెగా పవర్ స్టార్ రామ్ చరణ్ తేజ్ నిర్మిస్తున్న ఖైదీ నంబర్ 150 చిత్ర టీజర్ రిలీజ్ కి ముందే బిజినెస్ మొత్తం దాదాపు కంప్లీట్ చేసింది. తెలుగు రాష్ట్రాల్లో థియేటర్ హక్కులను డిస్టిబ్యూటర్లు పోటీ పడి కొనుగోలు చేశారు. ఓవర్సీస్ హక్కులను సొంతం చేసుకోవడానికి బయ్యర్లు ట్రిక్స్ ప్లే చేస్తున్నారు. ఈ సినిమా ఓవర్సీస్ రైట్స్ ఏకంగా 13.5 కోట్ల‌కు దక్కించుకున్నట్లు ఓ సంస్థ ప్రచారం చేసుకుంటోంది.
అందులో వాస్తవం లేదని చిత్ర బృందం తెలిపింది. ఆ రేటుకు అడిగిన మాట వాస్తవమే కానీ, నిర్మాత రామ్ చరణ్ 15 కోట్లు చెప్పారని, ఇంకా సంప్రదింపుల దశలోనే ఉందని, ఎవరికీ అమ్మలేదని స్పష్టం చేసింది. మాస్ డైరక్టర్ వివి వినాయక్ దర్వకత్వంలో తెరకెక్కుతున్న ఈ చిత్రంలో చిరు కి జోడీగా కాజల్ అగర్వాల్ నటిస్తోంది. సరైనోడు నటి క్యాథరిన్ మెగాస్టార్ తో ఐటెం సాంగ్ లో స్టెప్పులు వేయనుంది. రాక్ స్టార్ దేవీ శ్రీ ప్రసాద్ సంగీతమందిస్తున్న ఈ మూవీ సంక్రాంతికి విడుదల కానుంది.
