సూపర్ స్టార్ మహేష్ బాబు, కమర్షియల్ డైరక్టర్ మురుగదాస్ కాంబినేషన్లో వస్తున్న మూవీ జనవరి 7 నుంచి హైదరాబాద్ లో షూటింగ్ జరుపుకోనుంది. ఏక కాలంలో తెలుగు, తమిళ భాషల్లో తెరకెక్కుతున్న ఈ మూవీలో ప్రిన్స్ ఇన్వెస్ట్ గేషన్ ఆఫీసర్ గా నటిస్తున్నారు. అతనితో ఫిట్ బ్యూటీ రకుల్ ప్రీత్ సింగ్ రొమాన్స్ చేయనుంది. ఇంకా పేరు కూడా ఖరారు చేయని ఈ చిత్రంపై తెలుగు ప్రజలే కాదు, తమిళీయులు భారీ అంచనాలు పెట్టుకున్నారు. కోలీవుడ్ లో మురుగదాస్ మూవీపై మంచి నమ్మకం ఉంటుంది. అందులోను సూపర్ స్టార్ మహేష్ నటిస్తుండడంతో సినిమా రేంజ్ పెరిగిపోయింది. అందుకే కోలీవుడ్ డిస్ట్రిబ్యూటర్స్ ఈ చిత్రం థియేటర్ హక్కుల కోసం భారీ మొత్తాన్ని ఆఫర్ చేస్తున్నట్లు తెలిసింది.
ఈ మూవీ నిర్మాతల్లో ఒకరైన ఠాగూర్ మధు ఇప్పుడే బిజినెస్ ప్రారంభించదలుచుకోలేదు. మంచి రేట్ రావాలని ఆలోచిస్తున్నట్లు సమాచారం. ఆంధ్రప్రదేశ్, తెలంగాణా రాష్ట్రాల థియేటర్ హక్కులను సొంతం చేసుకోవడానికి అభిషేక్ పిక్చర్స్ ఎప్పటినుంచో ట్రై చేస్తోంది. 65 కోట్లు చెల్లించడానికి సిద్ధమైంది. ఈ ప్రపోజల్ ని కూడా హోల్డ్ లో పెట్టారు. జాతీయ అవార్డు గ్రహీత సినిమాటోగ్రాఫర్ సంతోష్ శివన్ పనిచేస్తున్న ఈ చిత్రంలో డైరక్టర్ ఎస్.జె సూర్య విలన్ గా నటిస్తున్నారు. ఈ మూవీ ఫస్ట్ లుక్ జనవరి 26 న రిలీజ్ చేయనున్నారు.
Also, do SUBSCRIBE to our YouTube channel to get latest Tollywood updates.
