అక్కినేని ప్రిన్స్ అఖిల్ మొదటి సినిమా అఖిల్ నిరాశ కలిగించినప్పటికీ.. రెండో చిత్రంపై భారీ అంచనాలున్నాయి. కారణం డైరక్టర్ విక్రమ్ కె కుమార్. ఇష్క్, మనం, 24 వంటి విజయాలతో మంచి ఫామ్లో ఉన్న ఈ డైరక్టర్ అఖిల్ ని ప్రేమికుడిగా చూపించబోతున్నారు. ఈ రొమాంటిక్ థ్రిల్లర్ ని అన్నపూర్ణ స్టూడియో బ్యానర్లో నాగార్జున ఎక్కడ కాంప్రమైజ్ కాకుండా నిర్మిస్తున్నారు. కల్యాణి ప్రియదర్శన్ హీరోయిన్ గా నటిస్తున్న ఈ చిత్రం షూటింగ్ దాదాపు పూర్తి కావచ్చింది.
క్రిస్మస్ కానుకగా డిసెంబర్ 22న రిలీజ్ కానున్న సినిమాని సొంతం చేసుకోవాలని డిస్ట్రిబ్యూటర్స్ ఎగబడుతున్నారు. విదేశాలకు చెందిన ఓ కంపెనీ హలో ఓవర్సీస్ థియేటర్స్ రైట్స్ కోసం 5 కోట్లను ఆఫర్ చేసినట్లు తెలిసింది. దీనిపై చర్చలు సాగుతున్నాయి. సంతకాలు పూర్తికాగానే అధికారికంగా ప్రకటించనున్నారు. తెలుగు రాష్ట్రాల్లోనూ హలో థియేటర్ హక్కులు భారీ ధర పలకనున్నాయి.
