సాహో కోసం రామోజీ ఫిలిం సిటీలో భారీ సెట్

బాహుబలి  తర్వాత యంగ్ రెబల్ స్టార్ ప్రభాస్ డైరక్టర్ సుజీత్ దర్శకత్వంలో సాహో సినిమా చేస్తున్నారు. రెగ్యులర్ షూటింగ్ కి ముందే విడుదలైన ఈ మూవీ టీజర్ రికార్డ్ సృష్టించింది. యూవీ క్రియేషన్స్ బ్యానర్ పై 150 కోట్లతో ఏక కాలంలో మూడు భాషల్లో వంశీ, ప్రమోద్ లు నిర్మిస్తున్న ఈ సినిమా మొదటి షెడ్యూల్ విలన్ పాత్ర దారి నీల్ నితిన్ ముఖేష్ పై ప్రారంభించారు. హైదరాబాద్ సెంట్రల్ లైబ్రరీలో కొన్ని సీన్లు షూట్ చేశారు. రెండో షెడ్యూల్ ముంబైలో ప్రారంభించడానికి సిద్ధమయ్యారు. ఆ తర్వాత దుబాయ్ అబుదాబిలో జరపనున్నారు. ఈ రెండు కంప్లీట్ అయిన తర్వాత సాహో టీమ్ రామోజీ ఫిలిం సిటీలోకి వెళ్లనుంది. అక్కడ 5 కోట్లతో భారీ సెట్ వేస్తున్నారు.

ఈ సెట్ లోనే సాహో 50 శాతం షూటింగ్ జరగనున్నట్లు సమాచారం. ఈ సెట్ నిర్మాణ పనులు వేగంగా సాగుతున్నాయి. ప్రభాస్ పోలీసాఫీసర్ గా నటిస్తున్న ఈ చిత్రానికి  జాతీయ స్థాయిలో మంచి పేరున్న బాలీవుడ్ సంగీత త్రయం శంకర్ – ఇషాన్ – లాయ్ లు సాహోకి సంగీతాన్ని అందించనున్నారు. మిషన్ ఇంపాజిబుల్ వంటి అనేక హిట్ సినిమాలకు పనిచేసిన హాలీవుడ్ ఫైట్ మాస్టర్ కెన్నీ బేట్స్ ని ఆధ్వర్యంలో కొన్ని యాక్షన్ సీన్స్ తెరకెక్కించనున్నారు.

Also, do SUBSCRIBE to our YouTube channel to get latest Tollywood updates.