“జబర్దస్త్” షూటింగ్ టైమ్ లో తన సహా నటుడు సిద్దార్థ్ తో పీకల్లోతు ప్రేమలో మునిగిపోయిన సమంత, తన ప్రేమ విషయాన్ని ఎక్కడా దాయకుండా.. ట్విట్టర్ ద్వారా తన అభిమానులకు, ప్రేక్షకులకు తాను ప్రేమలో ఉన్నట్లు స్పష్టం చేసింది. కొన్నాళ్ల తర్వాత వారిద్దరి మధ్య తలెత్తిన మనస్పర్ధల కారణంగా ఆ ప్రేమ వ్యవహారం కొద్ది కాలంలో కంచెకు చేరిందనుకొండి.
ఆ తర్వాత సమంత మళ్ళీ “ప్రేమ” జోలికి వెళ్లకుండా సినిమాపై దృష్టి సారించింది. మళ్లీ ఈమధ్య సమంత ప్రేమలో ఉన్నట్లు వార్తలొచ్చాయి. కానీ.. ఎవరూ అంతగా పట్టించుకోలేదు. కానీ.. నిన్న సమంత స్వయంగా “నేను సింగిల్ గా ఉన్నానని ఎవరు చెప్పారు?” అనేసి.. ఒకే నెక్స్ట్ క్వశ్చన్ అంటూ టాపిక్ డైవెర్ట్ చేసింది. దాంతో.. సమంత సింగిల్ గా లేదని అందరికీ తెలిసిపోయింది. మరి సమంత సరికొత్త బాయ్ ఫ్రెండ్ ఎవరో? అని తెలుసుకోవడం కోసం అందరూ అమితాసక్తి వ్యక్తం చేస్తున్నారు. ఆ మిస్టరీకి సమాధానం దొరకాలంటే.. సమంత నోరు తెరవాల్సిందే!
