బాహుబలి విజయాన్ని ప్రభాస్ ఎలా ఎంజాయ్ చేస్తున్నారు ?

ఒక తెలుగు సినిమా వందకోట్లు వసూలు చేసిందంటే.. ఆ మూవీ బ్లాక్ బస్టర్ హిట్ సాధించినట్లు. మరి 600 కోట్లు సాధిస్తే .. సినీ లాంగ్వేజ్ లో ఇంకా ఆ విజయాన్ని వర్ణించే పదం రాలేదు. అటువంటు హిట్ సొంతం చేసుకుంది బాహుబలి. కలక్షన్ల పరంగానే కాదు.. ఈ మూవీ జాతీయ అవార్డు తో పాటు అడుగుపెట్టిన చోటల్లా అనేక విభాగాల్లో అవార్డులను సాధించింది. ఈ చిత్రంతో యంగ్ రెబల్ స్టార్ కాస్త ఇండియన్ స్టార్ అయిపోయారు. ఎక్కడ ఏడుగుపెట్టినా ప్రభాస్ కి అభిమానుల తాకిడి. ప్రపంచవ్యాప్తంగా ఫాలోయింగ్ పెరిగిపోయింది. ఈ క్రేజ్ ని గుర్తించి ప్రభాస్ కి మేడం టుస్సాడ్ వారు బ్యాంకాక్ లోని మ్యూజియం లో ప్రభాస్ మైనం విగ్రహాన్ని ప్రతిష్టించేందుకు ముందుకు వచ్చారు. ఇటువంటి గౌరవం అందుకున్న తొలి సౌత్ ఇండియన్ యాక్టర్ ప్రభాస్.

ఇన్ని పేరు ప్రతిష్టలు తెచ్చిన బాహుబలి విజయాన్ని ఎలా ఎంజాయ్ చేస్తున్నారని ప్రభాస్ ని అడగగా, ఆయన ఆశ్చర్యపోయే సమాధానం ఇచ్చారు. “బాహుబలిని చేస్తున్నప్పుడే ప్రతి ఒక్కరూ ఇది గొప్ప సినిమా అవుతుందని భావించారు. కానీ బాహుబలి అంతకంటే విజయవంతమైంది. ఆ సక్సస్ నాకు చాలా ఆనందాన్ని ఇచ్చింది. అంతేకాని దాన్ని సీరియస్ గా తీసుకోను” అని చాలా సింపుల్ గా చెప్పారు.

Also, do SUBSCRIBE to our YouTube channel to get latest Tollywood updates.