నాని ‘జెంటిల్‌మేన్’ సినిమాతో నివేతా థామస్ తెలుగు వారికీ పరిచయమంది. తొలి సినిమాతోనే మంచి మార్కులు కొట్టేసింది. అంతేకాదు ఎన్టీఆర్ తో కలిసి నటించే ఛాన్స్ పట్టేసింది. జై లవకుశ సినిమాలో హీరోయిన్ గా నటిస్తోంది. నాని సరసన నిన్నుకోరి మూవీ చేస్తోంది. ఈ మూవీ టీజర్ ఈరోజు రిలీజ్ అయి విశేషంగా ఆకట్టుకుంటోంది. టీజర్ కంటే ఆమె ఓ ఇంటర్వ్యూలో చెప్పిన మాటలు తెలుగు వారి హృదయాలను గెలుచుకున్నాయి. ‘‘ప్రపంచంలోనే అతి క్లిష్టమైన భాష మలయాళమేనని అనుకునేదాన్ని. కానీ హైదరాబాద్‌లో అడుగుపెట్టినప్పుడు తెలుగుమాట్లాడేవారిని చూస్తే భయమేసింది. అసలు ఆ పదాలకు వీళ్ల నోళ్లెలా తిరుగుతున్నాయా? అనిపించింది’’ అని తెలుగు గొప్పదనాన్ని మనస్ఫూర్తిగా బయటికిచెప్పింది.
‘‘నేనిప్పుడు తెలుగు మాట్లాడటం చూసి నా ఫ్రెండ్స్‌ ఆశ్చర్యపోతున్నారు. ఇంత త్వరగా ఎలా నేర్చుకున్నానని ఆరా తీస్తున్నారు. భాషను నేర్చుకోవడానికి ముందు నేను యాసను నేర్చుకున్నాను. ప్రతి భాషకూ ఓ సౌందర్యం ఉంటుంది. ఆ సౌండింగ్‌ను పట్టుకోగలిగితే భాష వచ్చేసినట్టే. తెలుగు నేర్చుకునే క్రమంలో నేను చేసింది కూడా అదే’’ అని నివేదా థామస్ భాషను నేర్చుకునే టెక్నీక్ ని చెప్పింది.
Also, do SUBSCRIBE to our YouTube channel to get latest Tollywood updates.
