చాలామంది హీరోయిన్ల లానే టీనేజ్ లోనే సిల్వర్ స్క్రీన్ పైకి వచ్చింది అమల పాల్. భిన్నమైన పాత్రలతో ఆనతి కాలంలోనే నటిగా తనకంటూ గుర్తింపు తెచ్చుకుంది. చిన్న సినిమాలతో కెరీర్ మొదలెట్టిన అమల తర్వాత స్టార్ హీరోలతోనూ ఆడిపాడింది. సరిగ్గా కెరీర్ పుంజుకుంది అన్నలోపే దర్శకుడు ఏ ఎల్ విజయ్ ని పెళ్ళాడి అందరికీ షాక్ ఇచ్చింది. ఇదే అనుకుంటే ఏడాది తిరిగేలోపే విడాకులు అంటూ మరోటి. ఇలా పాతికేళ్ల ప్రాయంలోనే ఎన్నో ఒడిదొడుకులు చూసింది అమలాపాల్.
తన విడాకుల విషయమై ఇన్నాళ్లుగా వస్తున్న కామెంట్స్ పై నోరు మెదపని ఈ అమ్మడు తాజాగా స్పందిస్తూ “18 ఏళ్లకే పరిశ్రమలో అడుగుపెట్టాను. 23 ఏళ్లకు పెళ్లి చేసుకున్నా. విజయ్ ని పెళ్లి చేసుకోవడం తప్పో ఒప్పు పక్కనపెడితే ఆ వయసులో పెళ్లి చేసుకోడం మాత్రం ఖచ్చితంగా తప్పే. ఎవరు గైడ్ చేసేవారు కూడా లేకపోవడంతో సొంత నిర్ణయంతోనే ముందుకు నడిచాను. అయితే విడిపోవాలనుకున్న నిర్ణయం మాత్రం నన్ను బాగా భాదించింది. ఇప్పుడు కూడా నేను విజయ్ ని ప్రేమిస్తున్నా, ఎప్పటికీ ప్రేమిస్తూనే ఉంటా”నని తన అంతరంగాన్ని అందరిముందు ఆవిష్కరించింది. సెలబ్రిటీల్లో ప్రేమించి పెళ్ళి చేసుకున్న వారూ ఉన్నారు. తర్వాత విడిపోయిన వారూ ఉన్నారు. అయితే అమలలా ఇంకా భర్తనే ప్రేమిస్తున్న అని చెప్పేవారు మాత్రం అరుదు. చివరికి పవన్ రెండో భార్య రేణు దేశాయ్ కూడా పవన్ తనకు మంచి స్నేహితుడనే సరిపెట్టింది.
Also, do SUBSCRIBE to our YouTube channel to get latest Tollywood updates.
