“అమ్మాయి, అబ్బాయి ఎవరైనా ప్రేమలో పడడంలో తప్పులేదు, కానీ లవరే ప్రపంచంగా బతకొద్దు” అని నటి కాజల్ అగర్వాల్ సలహా ఇస్తోంది. అలా ఉంటే లవ్ బ్రేకప్ అయినప్పుడు బాధ ఎక్కువగా ఉండదని చెప్పింది. ఏంటి సడన్ గా కాజల్ ఇలా మాట్లాడుతోంది. ఆమెగానీ ప్రేమలో ఫైల్ అయిందా? ఇంతకీ ఆ అబ్బాయి ఎవరు ? అని ఆరా తీయనవసరం లేదు. విషయం ఏమిటంటే.. “ప్రేమించుకోవడం.. విడిపోవడం.. బాధలో కుంగి పోకుండా లక్షాన్ని చేరుకోవడం” అనే కథతో తమిళంలో ఓ సినిమా తెరకెక్కుతోంది. ఆ చిత్రం పేరు ‘కవలై వేండాం’.
అంటే దిగులు పడొద్దు అని అర్థం. ఇందులో హీరోయిన్ గా కాజల్ నటిస్తోంది. ఆ ఫిల్మ్ షూటింగ్ నుంచి బయటికి వచ్చినా ఆ పాత్రలోనే ఉండిపోతోంది. “లవ్, బ్రేకప్ అనేవి జీవితంలో సాగిపోయే మబ్బులు లాంటివి. ప్రేమలో విఫలం అయినంత మాత్రాన జీవితం ముగిసిపోయినట్లు కాదు. నెమ్మదిగా ఆ భాధ నుంచి బయటికి రావాలి. అందరూ మెచ్చేలా ఎదగాలి” అని యుతకు ధైర్యం నూరిపోస్తోంది. జీవా హీరోగా జనవరి నుంచి చిత్రీకరణ జరుపుకుంటున్న ‘కవలై వేండాం’ దాదాపు చిత్రీకరణ పూర్తి అయింది. పోస్ట్ ప్రొడక్షన్ వర్క్ జరుపుకుంటోన్న ఈ చిత్రం సెప్టెంబర్ లో రిలీజ్ కానుంది. కాజల్ నటించిన సర్దార్ గబ్బర్ సింగ్, బ్రహ్మోత్సవం సినిమాలు విజయాలు అందుకోలేక పోవడంతో ఆశలన్నీ ఈ మూవీపైనే పెట్టుకుంది. అందుకే ఇప్పటినుంచే ప్రచారాన్ని మొదలు పెట్టింది.
