మాస్ మహారాజ్ రవితేజ ‘ధమాకా’ తర్వాత సరైన హిట్ అందుకోలేదు. ‘రావణాసుర’ ‘టైగర్ నాగేశ్వరరావు’ ‘ఈగల్’ ‘మిస్టర్ బచ్చన్’ ‘మాస్ జాతర’ ‘భర్త మహాశయులకి విజ్ఞప్తి’ వంటి సినిమాలు అన్నీ దారుణంగా ఫ్లాప్ అయ్యాయి. వాటి ప్రభావం రవితేజ మార్కెట్ పై గట్టిగా పడింది. ఇలాంటి టైమ్లో ‘ఇరుముడి’ సినిమా వస్తుంది. శివ నిర్వాణ ఈ చిత్రానికి దర్శకుడు. ఈ ప్రాజెక్టు అనౌన్స్ చేసినప్పుడు.. అంచనాలు పెద్దగా లేవు. కానీ ఎప్పుడైతే ఫస్ట్ లుక్ పోస్టర్, సాంగ్స్ బయటకి వచ్చాయో.. అక్కడి నుండి హైప్ బిల్డ్ అవుతూ వచ్చింది.
‘ఇరుముడి'(Irumudi) టైటిల్ సాంగ్, మల్లెపూల పల్లకి సాంగ్స్ ఈ సినిమాపై భారీ అంచనాలు ఏర్పడేలా చేశాయి. ఇక మొదటి రోజు ఈ సినిమాకి సూపర్ హిట్ టాక్ వచ్చింది. దీంతో ఓపెనింగ్స్ చాలా బాగా నమోదయ్యాయి. మొదటి రోజు అద్బుతంగా కలెక్ట్ చేసిన ఈ సినిమా.. 2 రోజుల్లోనే బ్రేక్ ఈవెన్ సాధించి సరికొత్త రికార్డులు సృష్టించింది. ఒకసారి 2 డేస్ కలెక్షన్స్ ను గమనిస్తే
| నైజాం | 9.5 cr |
| సీడెడ్ | 2.96 cr |
| ఉత్తరాంధ్ర | 1.97 cr |
| ఈస్ట్ | 1.45 cr |
| వెస్ట్ | 0.96 cr |
| గుంటూరు | 1.48 cr |
| కృష్ణా | 1.21 cr |
| నెల్లూరు | 0.71 cr |
| ఏపీ + తెలంగాణ(టోటల్) | 20.24 cr |
| రెస్ట్ ఆఫ్ ఇండియా | 2.20 cr |
| ఓవర్సీస్ | 4.05 cr |
| టోటల్ వరల్డ్ వైడ్ | 26.49 కోట్లు |
‘ఇరుముడి’ చిత్రానికి రూ.18.6 కోట్ల థియేట్రికల్ బిజినెస్ జరిగింది. ఈ సినిమా బ్రేక్ ఈవెన్ కోసం రూ.19 కోట్ల షేర్ ను రాబట్టాల్సి ఉంది. 2 రోజులకే ఈ సినిమా రూ.26.49 కోట్ల షేర్ ను రాబట్టింది. గ్రాస్ పరంగా రూ.50.4 కోట్లు కొల్లగొట్టింది. ఆల్రెడీ బ్రేక్ ఈవెన్ సాధించిన ఈ సినిమా రూ.7.49 కోట్ల లాభాలు బయ్యర్స్ కి అందించింది.
