రజనీకాంత్ కెరీర్ లోనే కాకుండా సౌత్ సినిమా కెరీర్ లోనే బిగ్గెస్ట్ డిజాస్టర్ గా “కబాలి” చిత్రాన్ని పేర్కొనవచ్చు. రిలీజ్ కి ముందు ఉన్న భారీ హైప్ కారణంగా కలెక్షన్స్ వచ్చి ఉండవచ్చు కానీ.. ప్రేక్షకులను మాత్రం తీవ్రంగా నిరాశపరిచిన ఈ చిత్రాన్ని కేవలం రజనీకాంత్ కోసమే చూశారు తప్పితే సినిమా మీద ఇంట్రెస్ట్ తో మాత్రం కాదు. అలాంటి చిత్రానికి సీక్వెల్ రాబోతోంది. మీరు ఆశ్చర్యపోయినా ఇది నిజం.
రజనీకాంత్ అల్లుడు ధనుష్ నిర్మించనున్న ఈ చిత్రానికి “కబాలి”కి దర్శకత్వం వహించిన రంజిత్ తెరకెక్కించనున్నాడు. సినిమా ఎక్కడ ఆగిపోయిందో అక్కడ్నుంచే మళ్ళీ మొదలుకానుందని తెలుస్తోంది. దీన్ని బట్టి దొరికిన ఇంకో క్లారిటీ ఏంటంటే.. “కబాలి” క్లైమాక్స్ లో రజనీకాంత్ “టైగర్” చేతిలో చావలేదని!
