తెలుగు ఇండస్ట్రీలో అగ్ర నిర్మాతగా చెలామణి అవుతున్నాడు దిల్ రాజు. రీసెంట్ గా ఆయన డిస్ట్రిబ్యూట్ చేసిన ‘అ ఆ’ సినిమా సూపర్ హిట్ టాక్ తో దూసుకుపోతుంది. ఈ సందర్భంగా దిల్ రాజు ప్రెస్ మీట్ పెట్టి మరీ కొన్ని విషయాలను వెల్లడించారు. ”త్రివిక్ర‌మ్‌తో నాకు నువ్వేకావాలి సినిమా నుండి మంచి ప‌రిచ‌యం ఉంది. ఆయనతో ఎప్పటి నుండో సినిమా చేయాలని అనుకుంటున్నా.
ఎట్టకేలకు కుదిరింది. అఆ రిలీజ్‌కు ముందే నాకు, త్రివిక్ర‌మ్‌కు మ‌ధ్య ఓ సినిమా డీల్ కుదిరింది. త్రివిక్రమ్ దర్శకత్వంలో నా బ్యాన‌ర్‌పై ఓ స్టార్ హీరోతో సినిమా చేయ‌బోతున్నాం. ఒకటి, రెండు నెలల్లో ఆ సినిమా వివ‌రాలు తెలుస్తాయని చెప్పారు”. నిజానికి దిల్ రాజు, పవన్ కళ్యాణ్ తో సినిమా చేస్తానని చాలా రోజులుగా అంటున్నాడు. కాని కుదరలేదు. పవన్ కళ్యాణ్ ప్రస్తుతం ఎస్.జె.సూర్య దర్శకత్వంలో ఓ సినిమాలో నటిస్తున్నాడు. దీని తరువాత త్రివిక్రమ్ తో సినిమా చేసే అవకాశాలు ఉన్నాయి. సో.. దిల్ రాజు అంటున్న స్టార్ హీరో పవన్ కళ్యాణ్ అని ఫిలిం నగర్ టాక్. మరి రాజు గారితో చేయడానికి పవన్ కళ్యాన్ ఒప్పుకుంటాడో.. లేదో.. చూడాలి..!
