కోలీవుడ్ లో విజయ్ సేతుపతి, త్రిష జంటగా నటించిన చిత్రం ’96’ ఎంత ఘానవిజయం సాధించిందో ప్రత్యేకంగా చెప్పనక్కర్లేదు. తమిళ్ లో ప్రేమ్ కుమార్ డైరెక్షన్లో వచ్చిన ఈ చిత్రం విమర్శకుల ప్రశంసలు కూడా దక్కించుకుంది. ఇక ఈ చిత్రాన్ని టాలీవుడ్లో దిల్ రాజు రీమేక్ చేయడానికి కూడా రెడీ అయ్యాడు. శర్వానంద్ .. సమంత హీరోహీరోయిన్లుగా ఈ చిత్రం తెరకెక్కనుంది. ఇటీవల ‘ఉగాది’ పండుగ రోజున ఈ చిత్రం పూజా కార్యక్రమాలను జరుపుకుంది. తెలుగులో కూడా ఈ చిత్రాన్ని ప్రేమ్ కుమారే డైరెక్ట్ చేస్తున్నాడు.
ఈ చిత్రంలో కథానాయిక పాత్రకి ప్రాధాన్యత ఎక్కువ. ఇక ఈ చిత్ర కథలో నాయిక పాత్ర పేరు ‘జానకి’ కావడం వలన, ‘జాను’ అనే టైటిల్ ను ఖరారు చేయాలని చిత్ర యూనిట్ మొదట భావించిందట. అయితే ‘జిల్’ ఫేమ్ రాధాకృష్ణ దర్శకత్వంలో ప్రభాస్ నటిస్తున్న చిత్రానికి కూడా ‘జాన్’ అనే టైటిల్ ను అనుకుంటున్నారు. ‘జాన్’ అనే టైటిల్ కి ‘జాను’ అనే టైటిల్ దగ్గరగా ఉండటంతో, దిల్ రాజు ఆ టైటిల్ ను మార్చాలని భావిస్తున్నాడట. ముందుగా ఉగాది పండుగ రోజున టైటిల్ ను అనౌన్స్ చేయాలని అనుకున్నారు. కానీ ఈ కారణంగానే టైటిల్ ను ప్రకటించలేదట.
