అప్పుడు డిజాస్టర్ సినిమాల ఎండ్ టైటిల్స్ లో “త్వరలో పార్ట్ 2 లేదా సీక్వెల్” అనే టైటిల్ చూసినప్పుడు “ఈ సినిమానే చూడలేకపోయాం మళ్ళీ దీనికి సీక్వెల్ కూడానా” అని మనసులో తిట్టుకొంటూ థియేటర్ నుంచి దాదాపుగా పరిగెడతాం. అయితే.. చాలా తక్కువ సినిమాలకు మాత్రమే “దీనికి పార్ట్ 2 ఉంటే బాగుండు” అనిపిస్తుంది. అదే మనల్ని విపరీతంగా ఎంటర్ టైన్ చేసిన సినిమాలు “పార్ట్ 2” అని స్వయంగా ఎనౌన్స్ మెంట్ ఇస్తే “ఎప్పుడు వస్తుందా” అని వెయిట్ చేస్తాం. అలా ప్రేక్షకులు వెయిట్ చేసేలా చేస్తున్న తాజా సీక్వెల్ “రాజా 2 ది గ్రేట్”.
నిన్న విడుదలైన “రాజా ది గ్రేట్” రవితేజ కెరీర్ లోనే హయ్యస్ట్ ఓపెనింగ్స్ సాధించిన సినిమాగా నిలవడంతోపాటు.. రవితేజ తనయుడు మహాధన్ ను కూడా వెండితెరకు పరిచయం చేసిన సినిమా ఇది. ఓవరాల్ గా దీపావళి బ్లాక్ బస్టర్ గా నిలిచిన ఈ చిత్రానికి సీక్వెల్ తీసే ఆలోచనలు ఉన్నాయని అనిల్ రావిపూడి మీడియాతో చెప్పడంతోపాటు ఎండ్ టైటిల్స్ లో ఎనౌన్స్ మెంట్ కూడా ఇచ్చాడు. దాదాపు రెండేళ్ల తర్వాత తమ మాస్ మహారాజా ఆన్ స్క్రీన్ ఫుల్ జోష్ గా కనిపించి సక్సెస్ కొట్టడంతో.. ఆయన అభిమానులందరూ “రాజా ది గ్రేట్” సీక్వెల్ కోసం ఎదురుచూస్తున్నారు. మరి అది ఎప్పుడు మొదలవుతుందో తెలియదు కానీ.. ప్రేక్షకులు ఈలోపు “రాజా ది గ్రేట్”ను తమ కుటుంబసభ్యులతో కలిసి ఒకసారి చూసేయండి.
