‘జబర్దస్త్’ ఖతర్నాక్ కామెడీ షో ద్వారా పాపులర్ అయిన వారిలో సుడిగాలి సుధీర్ కూడా ఒకడు.ఓ మెజీషియన్ గా కెరీర్ ను మొదలుపెట్టిన ఇతనికి గెటప్ శ్రీను, ఆటో రాంప్రసాద్, కమెడియన్ వేణు ల ద్వారా ‘జబర్దస్త్’ లో అవకాశం దక్కింది.’జబర్దస్త్’ లో ఎక్కువ స్కిట్స్ గెలిచిన కెప్టెన్లలో ఇతను కూడా ఒకడు. అటు తర్వాత యాంకర్ రష్మీతో ప్రేమాయణం వంటి వార్తలతో మరింత పాపులర్ అయ్యాడితను. అలాగే అప్పుడప్పుడు సినిమాల్లో కూడా నటిస్తున్నాడు.
‘సాఫ్ట్ వేర్ సుధీర్’ అనే చిత్రంతో ఇతను హీరోగా కూడా మారిన సంగతి తెలిసిందే.అలాగే ‘వాంటెడ్ పండుగాడ్’ ‘గాలోడు’ వంటి చిత్రాల్లో కూడా హీరోగా నటించాడు. ఇదిలా ఉండగా.. కొన్ని నెలల క్రితం సుధీర్ ‘జబర్దస్త్’ కు, ‘శ్రీదేవి డ్రామా కంపెనీ’ కి దూరం అయ్యాడు. ఇది అతని అభిమానులను బాగా నిరాశపరిచింది. అంతేకాదు అతను కొన్ని నెలల నుండి ఆఫర్లు లేక ఖాళీగా ఉంటున్నాడు. ప్రస్తుతం సుధీర్ కెరీర్ డౌన్ ఫాల్ లో ఉంది అనేది కొందరి అభిప్రాయం.
ఇందుకు కారణాలు లేకపోలేదు. ‘స్టార్ మా’ లో కామెడీ స్టార్స్ అనే షో ప్రారంభమైంది. దీనిని ఓంకార్ నిర్వహించినట్లు తెలుస్తోంది. ఈ షో కోసం అతను కొంతమంది జబర్దస్త్ కమెడియన్స్ ను సంప్రదించాడు. పెద్ద పెద్ద ప్యాకేజీలు ఇప్పిస్తాను అని హామీ ఇచ్చాడు. మొదటి వారం ఈ షోకి మంచి టి.ఆర్.పి రేటింగ్ నమోదైంది. దీంతో చాలా మంది జబర్దస్త్ కమెడియన్ లు ఈ షో లో భాగం అవుదామని బయటకు వచ్చేశారు. అందులో సుడిగాలి సుధీర్ కూడా ఉన్నాడట.
అయితే అర్ధాంతరంగా కామెడీ స్టార్స్ షోని ఆపేశారు. దీంతో ఈ షో పై ఆశలు పెట్టుకుని వచ్చిన కమెడియన్స్ అందరికీ పెద్ద షాక్ తగిలింది. సుధీర్ అయితే 3 నెలలుగా ఖాళీగా ఉన్నాడట. త్వరలో ‘ఆహా’ వారు నిర్వహించే కామెడీ షో కోసం ఇతను రెడీ అవుతున్నట్టు వినికిడి. ఇది ఆలస్యమైతే సుధీర్ మరింత ఖాళీగా ఉండాలి. ఎప్పుడూ బిజీగా ఉండే సుధీర్ ఇప్పుడు ఇలా ఖాళీ అవ్వడం అతని అభిమానులను కూడా డిజప్పాయింట్ చేస్తుంది.
Most Recommended Video
ఎన్టీఆర్ – సావిత్రి టు చిరు- నయన్.. భార్యాభర్తలుగా చేసి కూడా బ్రదర్- సిస్టర్ గా చేసిన జంటలు..!
తన 44 ఏళ్ల కెరీర్లో చిరంజీవి రీమేక్ చేసిన సినిమాలు మరియు వాటి ఫలితాలు..!
సౌందర్య టు సమంత.. గర్భవతి పాత్రల్లో అలరించిన హీరోయిన్ల లిస్ట్..!
