\కింగ్ నాగార్జున నటిస్తున్న తాజా చిత్రం ‘మన్మధుడు2’. ‘మనం ఎంటర్‌ప్రైజెస్’ మరియు ‘ఆనంది ఆర్ట్స్ క్రియేషన్స్’ సంస్థల పై అక్కినేని నాగార్జున, పి. కిరణ్ నిర్మిస్తున్న ఈ చిత్రాన్ని ‘చిలసౌ’ ఫేమ్ రాహుల్ రవీంద్రన్ డైరెక్ట్ చేస్తున్నాడు. రకుల్ ప్రీత్ సింగ్ హీరోయిన్ గా నటిస్తున్న ఈ చిత్రం ఇటీవల ప్రారంభం అయ్యింది. పూజా కార్యక్రమాలను పూర్తి చేసుకుని రెగ్యులర్ షూటింగ్‌ కూడా మొదలైంది. దీనికి సంబందించిన ఓ ఫోటీని తాజాగా నాగార్జున తన ట్విట్టర్లో పోస్ట్ చేసాడు.
ఇదిలా ఉండగా ఈ చిత్రంలో చైసామ్ లు కూడా నటిస్తున్నారని గత కొంతకాలంగా టాక్ నడుస్తుంది. అయితే నాగార్జున షేర్ చేసిన ఈ పిక్ లో సమంత, చైతన్య లు లేకపోవడం గమనార్హం. ఈ చిత్రంలో ఓ కీలకమైన పాత్రలో చైసామ్ కనిపిస్తున్నారని ఎంతో ఆసక్తిగా ఎదురు చూసిన అభిమానులు ఈ పిక్ లో వారిద్దరూ కనిపించకపోవడంతో నిరాశ చెందారు.అందులోనూ నాగార్జున ఈ ఫోటోను ‘మై ఫ్యామిలీ’ అంటూ షేర్ చేసాడు. అందుకే వారిలా నిరాశచెందినట్టు స్పష్టమవుతుంది. ఈ చిత్ర దర్శకుడు రాహుల్ రవీంద్రన్.. సమంతకు బెస్ట్ ఫ్రెండ్ అన్న విషయం అందరికీ తెలిసిన సంగతి. అందులోనూ తన మామగారు అయిన… నాగార్జున సినిమా కావడంతో .. రోల్ చిన్నదైనా సమంత నటించేందుకు సిద్ధమని… అందుకు చైతూని కూడా ఒప్పించిందని సమాచారం. ఒకవేళ అభిమానులని సర్ప్రైజ్ చేయడానికి ఇలా నాగార్జున ఫోటోకి దూరంగా ఉంచి ఉంటారని ఫిలింనగర్ విశ్లేషకులు అనుమానం వ్యక్తం చేస్తున్నారు. మరి ఇందులో నిజమెంతుందో తెలియాల్సి ఉంది.
