మహేష్ బాబు ప్రస్తుతం ఇటీవల విడుదలైన తన ‘మహర్షి’ చిత్రాన్ని ప్రమోట్ చేసుకునే పనుల్లో బిజీగా గడుపుతున్నాడు. ఇదిలా ఉండగా ప్రతీఏడాది ప్రతిష్టాత్మక టైమ్స్ మ్యాగజైన్ వారు దేశవ్యాప్తంగా అత్యధిక “మోస్ట్ డిసైరబుల్ మెన్” లిస్ట్ ని విడుదల చేయడం జరుగుతుంది. యూత్ లో ఆయా హీరో లకు ఉన్న పాపులారిటీని ఆధారంగా ఈ ర్యాంకులు ఇవ్వడం జరుగుతుంది. సాధారణంగా టాలీవుడ్ హీరోల పేరులు “మోస్ట్ డిసైరబుల్ ఫర్ ఎవర్” లిస్ట్ లో ఉండవు. అలాంటిది ఎవరూ ఊహించని విధంగా టైమ్స్ వారు ఈ సంవత్సరం “మోస్ట్ డిసైరబుల్ ఫర్ ఎవర్” లిస్ట్ లో మహేష్ బాబు పేరును చేర్చడం విశేషం.
సల్మాన్ ఖాన్, షారూక్ ఖాన్, అక్షయ్ కుమార్, అమీర్ ఖాన్ మాత్రమే ఇప్పటివరకూ ఈ లిస్ట్ లో పేరు సంపాదించడం జరిగింది. అయితే సౌత్ నుండీ ఈ ఘనత సాధించిన మొట్ట మొదటి హీరో మహేష్ బాబే కావడం విశేషం. ఇప్పటికే “మహర్షి” సక్సెస్ మూడ్ లో ఉన్న మహేష్ అలాగే ఆయన అభిమానులకి ఇది మరింత కిక్ ఇచ్చే విషయం అనడంలో సందేహం లేదు.ఇక మహేష్ తన తదుపరి చిత్రం అనిల్ రావిపూడి డైరెక్షన్లో చేయబోతున్న సంగతి తెలిసిందే.
