హాట్ అందాలతో ఆకట్టుకున్న నటి చార్మీకి కొన్నేళ్లుగా హీరోయిన్ అవకాశాల్లేవు. దీంతో ఐటెం సాంగ్స్ తో కొన్ని సినిమాల్లో డాన్స్ ఇరగదీసింది. అందాలు ఆరబోసింది. అయినా ఛాన్స్ రాలేదు. అందుకే “జ్యోతి లక్ష్మీ” చిత్రంలో వేశ్యగా కనిపించింది. ఈ పాత్ర అయినా తనకు అవకాశాలు తెచ్చిపెడతాయని భావించింది. కానీ ఛార్మి కెరీర్ లో గ్రోత్ కనిపించలేదు. దీంతో డైరక్టర్ పూరి జగన్నాథ్ తన స్నేహితురాలు చార్మీకి ఓ మార్గం చూపించారు.
అతని సినిమాలకు ఎగ్జిక్యూటివ్ ప్రొడ్యూసర్ బాధ్యతలు అప్పగించారు. చార్మీ ఇన్వాల్మెంట్ నటీనటులకు నచ్చకపోవడంతో ఆమె పక్కకు తప్పుకున్నారు. మళ్లీ ఇప్పుడు పూరి చార్మీకి కొత్త పని అప్పగించారు. తన సినిమాల్లో హీరోయిన్లను ఎంపిక చేసే పనిని ఆమె భుజాలపైన పెట్టారు. పూరి జగన్నాధ్ సినిమాల్లో హీరోయిన్లు చాలా బాగుంటారు. అందుకోసం చాలా మందిని పరిశీలించి పూరి ఎంపిక చేస్తుంటారు. ఇప్పుడు ఆ కాస్టింగ్ సెలెక్టర్ పోస్ట్ చార్మి కొట్టేసింది.
నయా నాయికలు దిశా పటాని, అదితి ఆర్య లను తెలుగు పరిశ్రమకు పరిచయం చేయడం వెనుక చార్మి సెలక్షన్ ఉందని తాజా సమాచారం. అదితి ఆర్య ప్రస్తుతం కళ్యాణ్ రామ్ తో ఇజం సినిమాలో నటిస్తోంది. చార్మి కొత్త ఉద్యోగానికి ఎన్ని మార్కులు పడుతుందో ఈ సినిమా విడుదల అయినా తర్వాత తెలుస్తుంది. అదితి ఆర్య కుర్రకారుని ఊపేసిందంటే చార్మి ఫుల్ బిజీ కావడం ఖాయం.
