దేశంలో ఇతర రంగాలతో పోలిస్తే సినిమా రంగంపై కరోనా మహమ్మారి ప్రభావం ఎక్కువగా పడుతోంది. నిన్న సోనూసూద్ కు కరోనా నిర్ధారణ కాగా నేడు సమీరా రెడ్డి, కోలీవుడ్ నటుడు అధర్వలకు కరోనా పాజిటివ్ అని తేలింది. కరోనా వల్ల మహేష్ బాబు నటిస్తున్న సర్కారు వారి పాట సినిమా షూటింగ్ వాయిదా పడింది. ఉగాది పండుగకు ప్రారంభమైన సర్కారు వారి పాట షూటింగ్ కొన్ని రోజులకే కరోనా వల్ల ఆగిపోయింది.
సినిమా రంగానికి చెందిన సెలబ్రిటీలంతా కరోనా వల్ల ఇబ్బందులు పడుతూ కరోనాను తిట్టుకుంటుంటే జగపతిబాబు మాత్రం కరోనాకు థ్యాంక్స్ చెబుతుండటం గమనార్హం. కరోనా భయం వల్ల సినిమా సెలబ్రిటీలలో చాలామంది ఇతరులపై ఆధారపడకుండా సొంతంగా పనులు చేసుకోవడానికి ఆసక్తి చూపుతున్నారు. ఇప్పటికే కొంతమంది నటులు సొంతంగా మేకప్ వేసుకుంటుండగా ఆ జాబితాలో జగపతి బాబు కూడా చేరారు. సొంతంగా మేకప్ వేసుకున్న జగపతి బాబు తనను మేకప్ మెన్ గా మార్చినందుకు కరోనాకు థ్యాంక్స్ చెప్పారు.
జగపతి బాబు పెట్టిన పోస్ట్ నెటిజన్లను ఎంతగానో ఆకట్టుకుంటుండగా ఈ ఫోటోకు వేల సంఖ్యలో లైక్స్ వచ్చాయి. హీరోగా అవకాశాలు తగ్గిన తరువాత విలన్ గా, క్యారెక్టర్ ఆర్టిస్ట్ గా జగపతి బాబు సత్తా చాటుతున్నారు. క్లాస్ విలన్ రోల్స్ తో పాటు మాస్ విలన్ రోల్స్ చేస్తూ ఫ్యాన్స్ ను జగపతి బాబు మెప్పిస్తున్నారు. ఫ్యామిలీ హీరోగా మహిళాభిమానులను సంపాదించుకున్న జగపతి బాబు ప్రస్తుతం కెరీర్ తొలినాళ్లలో పోషించిన పాత్రలకు పూర్తి భిన్నమైన పాత్రలను పోషిస్తూ ఉండటం గమనార్హం.
Thanks to covid..I have become my own make up man. Ha haa.#StayHomeStaySafe pic.twitter.com/oeOBGEkrWd
— Jaggu Bhai (@IamJagguBhai) April 18, 2021
Most Recommended Video
‘వకీల్ సాబ్ ‘ నుండీ ఆకట్టుకునే 17 పవర్ ఫుల్ డైలాగులు!
ఈ 10 మంది టాలీవుడ్ హీరోలకి బిరుదులు మార్చిన సినిమాల లిస్ట్..!
లాయర్ గెటప్ లలో ఆకట్టుకున్న 12 మంది హీరోలు వీళ్ళే..!
