టాలీవుడ్ లో హీరోయిన్ అంటే రెండు, మూడు రొమ్యాంటిక్ సీన్స్, ఆరు పాటలు ఇంకా చెప్పాలి అంటే పెద్దగా పాత్ర లేని వ్యాపారం అనే చెప్పాలి. అయితే అదే క్రమంలో మన తెలుగు నుంచి హీరోయిన్స్ పెద్దగా లేకపోవడంతో మన వాళ్ళు అందరూ ముంబై నుంచి అందాల భామలను తీసుకు వచ్చి మరీ వాళ్ళకు వచ్చీ రాని తెలుగు బాషతో మనల్ని ఇబ్బంది పెడుతూ ఉన్నారు. ఇదిలా ఉంటే తాజాగా మెగా ఫ్యామిలీ నుంచి వచ్చిన హీరోయిన్ నిహారిక టాలీవుడ్ కు గ్రాండ్ ఎంట్రీ ఇచ్చింది. అయితే నిహారిక మొదటి సినిమా ‘ఒక మనసు’ ఫెయిల్ అయినా హీరోయిన్ గా ఆమెకు అవకాశాలు మాత్రం చాల ఎక్కువగానే వచ్చాయి. అయితే నిహారిక వచ్చిన ఆఫర్లను అన్నీ ఒప్పుకోకుండా కేవలం తనకు మనసుకు నచ్చిన కథ కోసం ఎదురు చూస్తూ ఇంతకాలం గడిపింది. ఇక నిహారిక ఎట్టకేలకు తనకు నచ్చిన కథ దొరకడంతో ఆ కథ పట్టాలు ఎక్కింది.
అయితే ఇందులో విశేషం ఏంటి అంటే అసలు కధ అక్కడే ఉంది…అసలు విషయం లోకి వెళితే….ఈసినిమాకు నిర్మాణ బాధ్యతలు నిర్వహిస్తున్న వ్యక్తి రాఘవయ్య గతంలో ‘ప్రజారాజ్యం’ పార్టీకి సంబంధించి పవన్ నిర్వహించిన ‘యువరాజ్యం’ విభాగంలో కీలకంగా పనిచేసి వ్యక్తి…మరి ఆయనకి జనసేనకి ఏంటి సంభందం? జనసేన అండ నిహారికకు ఎలా ఉంటుంది అంటే… ప్రస్తుతం పవన్ ‘జనసేన’ ట్రెజరర్ గా ఉంటున్నది కూడా ఇదే వ్యక్తి అట. అదీ అసలు మ్యాటర్….ఇక ఫిలిమ్ నగర్ దైవ సన్నిధానంలో జరిగిన ప్రారంభోత్సవ కార్యక్రమంలో నిన్ననే ఈ సినిమా ప్రారంభోత్సవం జరిగింది. దర్శకులు మారుతి మెహర్ రమేశ్ లతో పాటు మెగా కుటుంబానికి అత్యంత సన్నిహితుడైన శ్రీకాంత్ క్లాప్ తో ఈ సినిమా ప్రారంభం అయింది. నాగబాబు మెహర్ రమేశ్ లు గౌరవ దర్శకత్వం వహించారు. మొత్తంగా సొంతవారి అండతోనే నిహారికా కరియర్ ముందుకు పోతుంది అని చెప్పాలి.
Also, do SUBSCRIBE to our YouTube channel to get latest Tollywood updates.
