యంగ్ టైగర్ ఎన్టీఆర్, కొరటాల శివ కాంబినేషన్ లో వస్తున్నచిత్రం జనతా గ్యారేజ్. మలయాళ సూపర్ స్టార్ మోహన్ లాల్ ప్రత్యేక పాత్రలో నటిస్తున్న ఈ సినిమాలో సమంత, నిత్యా మీనన్ హీరోయిన్లుగా తారక్ తో ఆడి పాడనున్నారు. వేగంగా షూటింగ్ జరుపుకుంటున్న ఈ చిత్రాన్ని తొలుత ఆగస్టు 12న రిలీజ్ చేద్దామని అనుకున్నారు.
రెండు పాటలతో పాటు, కొన్ని యాక్షన్ సన్నివేశాల చిత్రీకరణ బ్యాలన్స్ ఉండడంతో సెప్టెంబర్ 2 కి పోస్ట్ పోన్ చేశారు. ఒక పాటని కేరళలో చిత్రీకరించడానికి డైరక్టర్ ప్లాన్ చేశారు. అందుకోసం త్వరలో జనతా గ్యారేజ్ టీమ్ కేరళకు వెళ్లనుంది. అక్కడ ఆగస్టు 1 నుంచి సాంగ్ షూట్ చేయనున్నారు. అక్కడ కంప్లీట్ అయినా వెంటనే విదేశాలకు వెళ్తారు. నాన్నకు ప్రేమతో తర్వాత మాస్ ఎంటైర్ టైనర్ గా తెరకెక్కిస్తున్న జనతా గ్యారేజ్ పై అభిమానుల్లో భారీ అంచనాలున్నాయి. వారి అంచనాలకు మించి ఉండాలని కొరటాల శ్రమిస్తున్నారు. దీంతో హ్యాట్రిక్ అందుకోవాలని భావిస్తున్నారు. మైత్రి మూవీ మేకర్స్ వారు నిర్మిస్తున్న ఈ సినిమాకు రాక్ స్టార్ దేవీ శ్రీ ప్రసాద్ సంగీతాన్ని అందిస్తున్నారు.
