యంగ్ టైగర్ ఎన్టీఆర్, కొరటాల శివ కాంబినేషన్ లో వస్తున్నచిత్రం జనతా గ్యారేజ్. ఈ సినిమా మొదలైనప్పటి నుంచే అభిమానుల్లో భారీ అంచనాలున్నాయి. రీసెంట్ గా విడుదలైన ఈ చిత్ర టీజర్ సినిమాపై అంచనాలను మరింత పెంచింది. టీజర్ విడుదలైన కేవలం ఆరు గంటల్లో 10 లక్షల వ్యూస్ మార్క్ ని దాటి రికార్డ్ సృష్టించింది. జనతా గ్యారేజ్ ఆగస్టు 12న రిలీజ్ అయి రికార్డులను బద్దలు కొడుతుందని ఆశించిన అభిమానులకు నిరాశ ఎదురైంది.
ఈ మూవీ రిలీజ్ సెప్టెంబర్ 2 కి వాయిదా పడింది. ఈనెల 22 న ఆడియో రిలీజ్ కూడా వచ్చే నెలకు పోస్ట్ పోన్ అయింది. మైత్రి మూవీ మేకర్స్ వారు నిర్మిస్తున్న ఈ సినిమాకు మొన్ననే క్లైమాక్స్ షూటింగ్ కంప్లీట్ అయింది. మిగిలిన రెండు పాటలు, కొన్ని యాక్షన్ సీన్స్ చిత్రీకరణ కోసం కొరటాల శివ టీమ్ త్వరలో విదేశాలకు వెళ్లనుంది. ఇందువల్ల ఆడియో, సినిమా రిలీజ్ ను వాయిదా వేసినట్లు సమాచారం. మలయాళ సూపర్ స్టార్ మోహన్ లాల్ కీలక పాత్ర పోషిస్తున్నఈ చిత్రంలో తారక్ పక్కన సమంత, నిత్యామీనన్ ఆడి పాడనున్నారు.
ఎన్నో ప్రత్యేకతలో తెరకెక్కుతున్న ఈ సినిమా పవన్ స్టార్ పవన్ కళ్యాణ్ పుట్టిన రోజున విడుదలకు సిద్ధమై.. పవన్ అభిమానులకు సైతం ఆహ్వానం పలుకుతోంది. కొన్ని రోజుల క్రితం మా సినీ అవార్డ్స్ వేదికపై ఉత్తమ నటుడిగా అవార్డు అందుకున్న సందర్బంగా ఎన్టీఆర్ మెగాస్టార్ చిరంజీవి పేరును ముందు ప్రస్తావించి మెగా అభిమానులను ఆకర్షించారు. ఇప్పుడు పవన్ పుట్టిన రోజున సినిమా రిలీజ్ అనౌన్స్ చేసి పవన్ ఫ్యాన్స్ ని తన వైపు తిప్పుకుంటున్నారు.
