టెంపర్, “నాన్నకు ప్రేమతో” సినిమాలతో యంగ్ టైగర్ ఎన్టీఆర్ మళ్లీ హిట్ ట్రాక్ లోకి వచ్చారు. మిర్చి, శ్రీమంతుడు వంటి బ్లాక్ బస్టర్ విజయాలు అందుకున్న దర్శకుడు కొరటాల శివతో ఎన్టీఆర్ జనతా గ్యారేజ్ సినిమా చేస్తున్నారు. ఈ క్రేజీ కాంబినేషన్లో మూవీ ప్రకటించినప్పుడే ఎన్టీఆర్ అభిమానుల్లో భారీ అంచనాలు ఏర్పాడ్డాయి. ఆ అంచనాలను సినిమా ఫస్ట్ లుక్ పోస్టర్ బలపరిచింది.
ఈ మధ్యనే అన్నపూర్ణ స్టూడియోలో ఎన్టీఆర్, సమంతల పై పాటను చిత్రీకరించారు. ప్రస్తుతం జనతా గ్యారేజ్ లోని కీలక సన్నివేశాలను షూట్ చేస్తున్నారు. దీంతో ఈ సినిమాకు ప్రొడక్షన్ పార్ట్ పూర్తి అవుతుంది. పోస్ట్ ప్రొడక్షన్ పనుల్లోకి వెళ్లే ముందు ఈ మూవీ టీజర్ ను విడుదల చేయాలనీ డైరక్టర్ కొరటాల శివ భావిస్తున్నారు.
ఈ వారం షూటింగ్ కంప్లీట్ చేసి.. వచ్చే వారం చివర్లో జనతా గ్యారేజ్ టీజర్ ను రిలీజ్ చేసేందుకు చిత్ర బృందం ప్రణాళిక సిద్ధం చేసింది. ఫస్ట్ లుక్ కంటే టీజర్ మరింత ఆకర్షణగా ఉండాలని శ్రమిస్తోంది. ముందుగా అనుకున్నట్లుగానే ఈ సినిమాను ఆగస్టు 12 న విడుదల చేయడానికి చిత్ర నటీ నటులు, సాంకేతిక నిపుణులు వేగంగా పనిచేస్తున్నారు.
