అందాల నటి సిల్క్ స్మిత బయోపిక్ మూవీ డర్టీ పిక్చర్ సూపర్ హిట్ అయింది. ఆ తర్వాత క్రికెటర్ ధోనీపై తీసిన బయోపిక్ కూడా మంచి విజయం సాధించింది. రీసెంట్ గా రిలీజ్ అయిన అభినేత్రి సావిత్రి బయోపిక్ మూవీ మహానటి సంచలన సృష్టించింది. దీంతో దర్శక నిర్మాతలు బయోపిక్ ల మీద పడ్డారు. బాలీవుడ్ లెజెండరీ నటి మధుబాల జీవిత గాథను తెరకెక్కించే ప్రయత్నాలు సాగుతున్నాయి. గత ఏడాది మేడమ్ తుస్సాడ్స్‌లో మధుబాల మైనపు బొమ్మను ఏర్పాటుచేసిన నాటి నుంచి ఆమె బయోపిక్ విషయమై చర్చ జరుగుతోంది. ఆమె జీవిత చరిత్రను ఆవిష్కరించేందుకు పలువురు ముందుకు వచ్చినా, వారెవరికీ మధుర్ బ్రిజ్ భూషన్ అనుమతినివ్వలేదు.
త్వరలో ఈ బయోపిక్ నిర్మాణాన్ని చేపట్టబోతున్ననని మధుర్ బ్రిజ్ భూషన్ వెల్లడించారు. ఈ సినిమాలో మధుబాలగా దివంగత నటి శ్రీదేవి కుమార్తె జాన్వీ నటిస్తే బాగుంటుందని పలువురు మధుర్ కు సూచిస్తున్నారని తెలిసింది. అతిలోక సుందరి కుమార్తె జాన్వీ దఢక్ సినిమా ద్వారా హీరోయిన్ గా పరిచయం కాబోతోంది. ధర్మ మూవీస్ బ్యానర్ పై శశాంక్ ఖైతాన్ దర్శకత్వంలో తెరకెక్కిన ఇందులో ఇషాన్ హీరోగా నటించారు. జులై 20 న విడుదల కానున్న ఈ సినిమా విజయం బట్టి ఆమె కెరీర్ గ్రాఫ్ ఆధారపడి ఉంటుంది. ఇందులో జాన్వి నటన బాగుంటే మధుబాల గా నటించే అవకాశం అందుకోనుంది.
