ఈమధ్య అంటే ఒకరి సినిమా ఆడియోలకు మరొకరు హాజరవుతూ తమ ప్రేమానుబంధాలను పబ్లిక్ చేసేశారు కానీ.. కళ్యాణ్ రామ్-ఎన్టీయార్ ల మధ్య చిన్నప్పట్నుంచి మంచి అనుబంధం ఉండేది. ఇటీవల కళ్యాణ్ రామ్ పుట్టినరోజు వేడుకలను ఎప్పుడూ లేనంత ఘనంగా నిర్వహించాడట ఎన్టీయార్. తానే స్వయంగా పార్టీ ఏర్పాటు చేయడం మొదలుకొని.. ఆ సెలబ్రేషన్స్ లో ఎన్టీయార్ స్వయంగా ఒక పాట కూడా పాడి ఆశ్చర్యపరిచాడట. అంతటితో ఆగకుండా కళ్యాణ్ రామ్ కు ఓ ఖరీదైన బహుమతి కూడా ఇచ్చాడని వినికిడి.
ఎన్టీయార్ ఇచ్చిన సర్ప్రైజ్ పార్టీ, ఆ పార్టీలో ఎన్టీయార్ పాడడంతోపాటు.. తనకు కొనిచ్చిన ఖరీదైన బహుమతి చూసి కళ్యాణ్ సంతోషంతో కన్నీరు పెట్టుకొన్నాడని.. ఆ ఎపిసోడ్ ను చూసినవాళ్ళందరూ కూడా అన్నదమ్ముల అనుబంధానికి స్థాణువులైపోయారని సమాచారం!
