ఎన్టీఆర్ ప్రస్తుతం ‘ఆర్.ఆర్.ఆర్’ చిత్రంతో బిజీగా ఉన్నాడు. ఇదిలా ఉండగా తన రెండో కుమారుడు భార్గవ్ రామ్ మొదటి పుట్టినరోజు ఈరోజు. దీంతో తన సోషల్ మీడియాలో తన కొడుకులతో ఉన్న ఫోటోలను షేర్ చేసాడు ఎన్టీఆర్. ఓ ఫొటోలో కొడుకుని చూసుకొని తెగ మురిసిపోతున్నాడు ఎన్టీఆర్. ఇక మరొక ఫోటోలో ఎన్టీఆర్ పెద్ద కొడుకు అభయ్ రామ్ తన తమ్ముడి పక్కన కూర్చొని ఫోటోలకు ఫోజిచ్చాడు. ఈ ఫోటోలను చూసిన ఎన్టీఆర్ అభిమానులు పండగ చేసుకుంటున్నారు.
ఇక సోషల్ మీడియాలో ఈ ఫోటోలు తెగ వైరల్ అవుతున్నాయి. లక్షల్లో కొద్దీ లైక్ లు కొడుతున్నారు నెటిజన్లు. ‘భార్గవ్ తొలి పుట్టినరోజు’ అంటూ ఈ ఫోటోలకు క్యాప్షన్ కూడా ఇచ్చాడు. ‘లిటిల్ టైగర్ కి శుభాకాంక్షలు’ అంటూ నెటిజన్లు కూడా ఎన్టీఆర్ కొడుకులకు విషెస్ పెడుతున్నారు. ఇక ‘ఆర్.ఆర్.ఆర్’ లో ఎన్టీఆర్ సరసన హీరోయిన్ ఎవరనేది మాత్రం ఇంకా క్లారిటీ ఇవ్వలేదు దర్శకుడు రాజమౌళి. ఈ అప్డేట్ కోసం కూడా ఎన్టీఆర్ అభిమానులు ఎంతో ఆసక్తితో ఎదురుచూస్తున్నారు.
