‘రాజా రాణి’ ‘తేరి’ ‘మెర్సల్’ వంటి సూపర్ హిట్ చిత్రాలను తెరకెక్కించి కోలీవుడ్ స్టార్ డైరెక్టర్ల లిస్ట్ లో చేరిపోయాడు అట్లీ కుమార్. ఇప్పుడు అట్లీ తో సినిమా చేయడానికి అక్కడి హీరోలు ఎగబడుతున్నారు. కానీ అట్లీ మాత్రం తన తరువాతి సినిమాను కూడా విజయ్ తోనే తెరకెక్కిస్తున్నాడు. విజయ్ వంటి స్టార్ హీరోతో వరుసగా మూడు చిత్రాలు తెరకెక్కించే అవకాశం దక్కించుకున్నదంటే ఈ కుర్ర డైరెక్టర్ టాలెంట్ ఏంటనేది అర్ధం చేసుకోవచ్చు. అయితే విజయ్ తో తెరకెక్కిస్తున్న సమయంలో కొందరి మహిళా జూనియర్ ఆర్టిస్టుల పట్ల అసభ్యంగా ప్రవర్తించాడంటూ.. ఓ మహిళా జూనియర్ ఆర్టిస్ట్ చెన్నై పోలీస్ కమిషనర్ కార్యాలయంలో కంప్లైంట్ ఇచ్చింది.
ఏప్రిల్ 13న షూటింగులో మంచి భోజనం గురించి .. టాయిలెట్ సౌకర్యం గురించి అట్లీ కుమార్ ను అడిగినందుకు ఆయన రెచ్చిపోయి ఇష్టం వచ్చినట్టుగా మాట్లాడాడని చెప్పింది ఆ మహిళ. మేము మహిళులమని కాదు గదా .. కనీసం మనుషుల్లా కూడా చూడటం లేదని… కుక్కల్ని చూసినట్టు చూస్తున్నాడని.. తన ఆవేదన వ్యక్తం చేసిందట. ఎప్పుడో ఈ విషయం పై కంప్లైంట్ ఇవ్వాలనుకున్నామని.. అయితే పోలీసులంతా ఎన్నికల హడావిడిలో ఉండటంతో ఆగిపోయామని ఆమె తెలిపింది. ఇక పై మహిళా జూనియర్ ఆర్టిస్టుల పట్ల అట్లీ ఇలా వ్యవహరించకుండా తగిన చర్యలు తీసుకోవాలని ఆమె కంప్లైంట్లో పేర్కొంది. మరి ఈ విషయం పై అట్లీ ఎలా స్పందిస్తాడో చూడాలి..!
