యంగ్ టైగర్ ఎన్టీఆర్ బుల్లి తెర ఎంట్రీ ఓ రేంజ్ లో ఉండబోతోంది. కలర్స్ ఛానల్లో బాగా పాపులర్ అయిన బిగ్ బాస్ షో తెలుగులోనూ సూపర్ హిట్ కావడానికి స్టార్ మా ఛానల్ వాళ్లు అన్ని హంగులు జోడిస్తున్నారు. తారక్ హోస్ట్ గా వ్యవహరిస్తున్న ఈ షో కోసం ముంబై లోని ఓ స్టూడియోలో పెద్ద సెట్ ని ప్రిపేర్ చేశారు. షూటింగ్ సమయంలో ఎన్టీఆర్ విశ్రాంతి తీసుకునేందుకు ఓ గెస్ట్ హౌస్ ని కూడా ఏర్పాటు చేశారు. ప్రస్తుతం నిర్వాహకులు పార్టిసిపెంట్స్ కోసం సెలక్షన్స్ మొదలు పెట్టారు. ఇందులో సినీ, టీవీ రంగానికి సంబంధించిన వారితో పాటు తెలుగు వారికీ బాగా తెలిసిన వ్యక్తులని ఎంపిక చేస్తున్నారు.
ఈ కార్యక్రమంలో పాల్గొనాల్సిందిగా యాంకర్ సుమ, పోసాని కృష్ణ మురళిని ఆహ్వానం పలికినా వారు తిరస్కరించారు. తాజాగా మత ప్రచారకుడు కేఏ పాల్ ని బిగ్ బాస్ టీమ్ సంప్రదించినట్లు తెలిసింది. షోలో పాల్గొనడానికి అతను కూడా ఒకే చెప్పినట్లు సమాచారం. తన మాటలతో అందరినీ ఆశ్చర్యానికి గురిచేసే కేఏ పాల్ షోలో తోటి పార్టిసిపెంట్స్ ని ఏ మాత్రం షాకింగ్ కి గురిచేస్తాడో తెలుసుకోవాలంటే మరికొన్ని రోజులు వేచి చూడాల్సిందే.
Also, do SUBSCRIBE to our YouTube channel to get latest Tollywood updates.
