రాజు గారి గది చిన్న చిత్రం గా వచ్చి పెద్ద హిట్ అందుకుంది. ఓంకార్ దర్శకత్వంలో తెరకెక్కిన హారర్ థ్రిల్లర్ సినిమాకి ప్రస్తుతం సీక్వెల్ వస్తోంది. వేగంగా షూటింగ్ జరుపుకుంటున్న ఈ చిత్రంలో కింగ్ అక్కినేని నాగార్జున మానసిక వైద్యుడిగా ఆకట్టుకోనున్నారు. అతని సరసన సీరత్ కపూర్ నటిస్తోంది. అలాగే టాలీవుడ్ క్యూట్ బ్యూటీ సమంత కూడా కీలక రోల్ పోషిస్తోంది. ఇలా ఇద్దరు హీరోయిన్స్ ఉన్న ఇందులోకి మరో బ్యూటీ ఎంటర్ అయింది. టాలీవుడ్ క్వీన్ కాజల్ అగర్వాల్ గెస్ట్ అప్పీరియన్స్ ఇవ్వనుంది. కాజల్ రానాతో నటించిన నేనే మంత్రి నేనే రాజు రిలీజ్ కి సిద్ధంగా ఉంది. కళ్యాణ్ రామ్ తో మంచి లక్షణాలున్న అబ్బాయి సినిమాలో హీరోయిన్ గా నటిస్తోంది.
అలాగే రాజుగారి గది 2 లో కొన్ని సీన్స్ లో కనిపించనున్నట్లు తెలిసింది. ఆమెకు సంబంధించిన షూటింగ్ కూడా పూర్తి అయినట్లు చిత్ర బృందం ప్రకటించింది. అశ్విన్ బాబు, షకలక శంకర్ తదితరులు నటిస్తున్న ఈ మూవీ స్టార్స్ తో నిండి ప్రేక్షకులకు కనువిందు చేయబోతోంది. తమన్ సంగీతాన్ని అందిస్తున్న ఈ సినిమా కోసం అందరూ ఆసక్తిగా ఎదురుచూస్తున్నారు.
Also, do SUBSCRIBE to our YouTube channel to get latest Tollywood updates.
