హీరోయిన్ గా 50 సినిమాల్లో నటించి.. అదే స్పీడ్ తో 100 సినిమాలకి చేరువలో ఉన్న కథానాయకి కాజల్ అగర్వాల్. తెలుగు, తమిళ, హిందీ భాషల్లో భీభత్సమైన స్టార్ డమ్ ఉన్న కాజల్ కి ఎందుకో హీరోయిన్ గా మాత్రమే ఉండిపోతే ఎలా.. నిర్మాతగా మారితే బాగుండు అనే ఆలోచన వచ్చింది. దాంతో.. “అ!” కథ-కథనంతో తనను ఆశ్చర్యపరిచిన ప్రశాంత్ వర్మ దర్శకత్వంలో తెరకెక్కబోయే చిత్రంలో కథానాయికగా నటించడానికి మాత్రమే కాక ఆ సినిమా నిర్మించడానికి కూడా ముందుకొచ్చింది కాజల్ అగర్వాల్. కాజల్ లాంటి అగ్ర నటి స్వయంగా సినిమా నిర్మించడానికి ముందుకొచ్చేసరికి ప్రశాంత్ ఆనందం అవధులు దాటింది.
అయితే.. మరి ప్రశాంత్ లేటెస్ట్ ఫిలిమ్ “కల్కి” రిజల్ట్ చూశాక వెనక్కి తగ్గిందో లేక ఇప్పుడు ఎందుకొచ్చిన రిస్క్ అనుకొందో తెలియదు కానీ.. కాజల్ అగర్వాల్ ఇప్పుడు నిర్మాతగా మారడానికి సిద్ధంగా లేను అని చెప్పేసిందట. కావాలంటే కథ నచ్చింది కాబట్టి నటిగా సినిమాలో భాగస్వామి అవుతాను కానీ.. నిర్మాణం మాత్రం సంబంధం లేదని తేల్చేసింది కాజల్ అగర్వాల్. ఈ సడన్ ఛేంజ్ తో ఇప్పుడు కొత్త నిర్మాతను వెతుక్కోనే పనిలో పడ్డాడు ప్రశాంత్ వర్మ.
