హీరో, హీరోయిన్స్ మధ్య వయసు తేడా పెద్ద ఇబ్బంది కలిగించదు. ఎందుకంటే తెరపై వాళ్ళ కెమిస్ట్రీ వర్కౌట్ అయితే చాలు. అందుకే హీరో తనకంటే పదేళ్లు, ఇరవైయేళ్లు పెద్దవాడైనా సరే హీరోయిన్స్ ఒకే చెప్పారు. అలా నటించి అనేక మంది హిట్ పెయిర్ గా పేరు తెచ్చుకున్నారు కూడా. అయితే టాలీవుడ్ లో ట్రెండ్ మారినట్టు.. తన కన్నా చిన్న వయసు వ్యక్తితో రొమాన్స్ చేయడానికి హీరోయిన్స్ సై అంటున్నారు. టాలీవుడ్ యువరాణి కాజల్ (33 ) తనకంటే ఎనిమిదేళ్ల చిన్నవాడైనా బెల్లకొండ శ్రీనివాస్ (25 ) తో కలిసి ఓ సినిమా చేస్తోంది. మళ్ళీ మరో మూవీకి ఒకే చెప్పింది.
తొలిసినిమా అల్లుడు శీను లో తనకంటే ఐదేళ్లు పెద్ద అయినా సమంతతో డ్యూయట్లు పాడాడు. అలాగే తమన్నాతో స్టెప్పులు వేసాడు. అవి బాగా కలిసి రావడంతో సీనియర్ హీరోయిన్స్ తోనే నటించడానికి బెల్లంకొండ శ్రీనివాస్ ఆసక్తి కనబరుస్తున్నట్లు అర్ధమవుతోంది. తేజ దర్శకత్వంలో ఓ ప్రాజెక్టు కోసం కాజల్, బెల్లంకొండ శ్రీనివాస్ మరోసారి జోడీ కట్టబోతున్నారని తెలిసింది. రొమాంటిక్‌ ఎంటర్‌టైనర్‌గా తెరకెక్కబోయే ఈ ప్రాజెక్టును ఏకే ఎంటర్‌టైనర్‌మెంట్స్‌ బ్యానర్‌పై అనిల్‌ సుంకర నిర్మించబోతున్నారు. ప్రీ ప్రొడక్షన్ జరుపుకుంటున్న ఈ మూవీ గురించి త్వరలోనే అధికారికంగా రానుంది.
