“టెంపర్” సినిమాలో హీరోయిన్ కాజల్ కమెడియన్ వెన్నెల కిషోర్ తో కాస్త క్లోజ్ గా మూవ్ అయ్యేసరికి మన హీరో ఎన్టీఆర్ తెగ సీరియస్ అయిపోవడమే కాక “ఎవడు మూర్తి వాడు, ఎవడాడు నా సిస్టమ్ మీద చెయ్యేశాడు?” అని కోపంతో ఊగిపోయే సన్నివేశం ఎంత పాపులర్ అనే విషయం అందరికీ తెలిసిందే. “కవచం” ఆడియో ఫంక్షన్ లో ఛోటా కె.నాయుడు ఛాన్స్ దొరకాగానే కాజల్ కి ముద్దు పెట్టినప్పుడు ఎన్టీఆర్ కంటే పదిరెట్లు ఎక్కువగానే స్పందించారు కాజల్ కల్ట్ ఫ్యాన్స్. పాపం ఛోటా కె.నాయుడు సారీ చెప్పే దాకా వదల్లేదు. ఇప్పుడు మళ్ళీ అలాంటి ఇన్సిడెంట్ నిన్న “సీత” ప్రీరిలీజ్ ఈవెంట్ లో జరిగింది.
ఎల్లో టీషర్ట్ వేసుకున్న ఒక కుర్రాడు కాజల్ నుంచి అవార్డ్ అందుకుంటూ ఆమెను హగ్ చేసుకోవడమే కాక ఆమెను ముద్దు పెట్టుకొన్నంత పనిచేశాడు. దాంతో కాజల్ ఫ్యాన్స్ మళ్ళీ ఆ కుర్రాడు ఎవరా అని సీరియస్ అవ్వడం మొదలెట్టారు. అయితే.. అందరికీ తెలియని విషయం ఏమిటంటే.. ఆ కుర్రాడి పేరు విశాల్, అతను కాజల్ పర్సనల్ మేకప్ మ్యాన్. కాజల్ తో చాలా కాలంగా వర్క్ చేస్తున్నాడు. పైగా ఆ కుర్రాడ్ని కాజల్ సొంత తమ్ముడిగా ట్రీట్ చేస్తుందట. సో, డియర్ కాజల్ ఫ్యాన్స్ ఆ కుర్రాడి మీద సీరియస్ అవ్వడం ఆపేయండి.
