సూపర్ స్టార్ మహేష్ బాబు సినిమాలను పూర్తిచేయడంలో దూకుడు ప్రదర్శిస్తున్నారు. ప్రస్తుతం తమిళ స్టార్ డైరక్టర్ ఏఆర్ మురుగదాస్ దర్శకత్వంలో యాక్షన్ థ్రిల్లర్ మూవీ చేస్తున్న ప్రిన్స్, తన తర్వాతి చిత్రాల విషయంలోను వేగంగా నిర్ణయాలు తీసుకుంటున్నారు. తన 24వ మూవీని కొరటాల శివ దర్శకత్వంలో చేయనున్నారు. డీవీవీ దానయ్య నిర్మిస్తున్న ఈ సినిమా ఫిబ్రవరి నుంచి సెట్స్ మీదకు వెళ్లనుంది.
ఈ సినిమా తర్వాత సూపర్ స్టార్ నటించనున్న 25 వ చిత్రానికి వంశీ పైడిపల్లి దర్శకత్వం వహించనున్నారు. తొలుత పీవీపీ వారు ఈ చిత్రాన్ని నిర్మించాలని భావించారు. ప్రస్తుతం ఆ ప్రాజెక్ట్ ని ప్రముఖ నిర్మాత దిల్ రాజు చేతిలోకి వెళ్లింది. ఇక ఆర్టిస్టుల సెలక్షన్ వేగం పుంజుకుంది. ఇందులో ప్రిన్స్ సరసన టాలీవుడ్ యువరాణి కాజల్ అగర్వాల్ నటించనున్నట్లు తాజా సమాచారం. మహేష్, కాజల్ బిజినెస్ మ్యాన్ లో ఫర్ఫెక్ట్ జోడీ అనిపించుకున్నారు. బ్రహ్మోత్సవంలోను అలరించిన ఈ జోడీ మరో సారీ తెరపై సందడి చేయనుంది. తమన్ సంగీతమందిస్తున్న ఈ చిత్రం వచ్చే ఏడాది జూన్ నుంచి సెట్స్ మీదకు వెళ్లనున్నట్లు ఫిల్మ్ నగర్ వాసులు చెప్పుకుంటున్నారు.
Also, do SUBSCRIBE to our YouTube channel to get latest Tollywood updates.
