సిక్స్ ప్యాక్ ట్రెండ్ అనేది అప్పుడెప్పుడో….బాలీవుడ్ లో మొదలయ్యింది. అయితే అది కాస్త అటు తిరిగి..ఇటు తిరిగి టాలీవుడ్ లోకి కూడా అడుగుపెట్టింది. అయితే మన తెలుగులో తొలిసారి సిక్స్ ప్యాక్ చూపించిన హీరో ఎవరు అంటే….అది మన స్టైలిష్ స్టార్ ఆల్లు అర్జున్. ‘దేశముదురు’ సినిమాలో తొలిసారి తన షర్ట్ విప్పి తన సిక్స్ ప్యాక్ ను చూపించి అభిమానులకు కనువిందు చేశాడు. ఇక ఆ తరువాత చాలా మంది హీరోలు తమ సినిమాలో ఈ సిక్స్ ప్యాక్ ను ట్రై చేశారు. ఇదిలా ఉంటే తాజాగా పూరీ జగన్నాధ్ దర్శకత్వంలో వచ్చిన ఎన్టీఆర్ ‘టెంపర్’ సినిమాలో ఒక సాంగ్ లో షర్ట్ విప్పి తన సిక్స్ ప్యాక్ చూపించడంతో ఫిదా అయిపోయారు ఎన్టీఆర్ అభిమానులు. ఇక ఆ బాడీ తో స్టిల్స్ రిలీజ్ కావడం, ఫాన్స్ ఎన్టీఆర్ ను సిక్స్ ప్యాక్ లో చూసి పండగ చేసుకోవడం మనం చూశాం.
అయితే అదే క్రమంలో ఇప్పుడు పూరీ జగన్నాధ్ ఎన్టీఆర్ అన్న కల్యాణ్ రామ్ తో తీస్తున్న ‘ఇజమ్’ సినిమాలో సైతం కల్యాణ్ రామ్ ను సిక్స్ ప్యాక్ లో చూపించేందుకు విశ్వ ప్రయత్నాలు చేస్తున్నాడు. కథ డిమాండ్ చేయడంతో కల్యాణ్ రామ్‌తో సిక్స్‌ప్యాక్ లో కనిపించనున్నట్లు సమాచారం…దాని కోసం కల్యాణ్ రామ్ కూడా బాగానే కష్టపడుతున్నాడట. అనుకున్న లుక్ రావడం కోసం దాదాపు నాలుగు నెలల పాటు కల్యాణ్ రామ్ కఠోర శిక్షణ తీసుకుంటాడని సినిమా యూనిట్‌కు చెందిన వర్గాలు చెబుతున్నాయి. ఇక్కడ కొసమెరుపు ఏంటి అంటే… అటు బన్నీని, ఇటు తారక్ ని, ఇప్పుడు కల్యాణ్ రామ్ ని అందరినీ సిక్స్ ప్యాక్ తో చూపించే అవకాశం మాత్రం పూరీ జగన్నాధ్ కే దక్కింది అని చెప్పాలి.
