దర్శకుడు శంకర్ ‘ఇండియన్ 2’ సినిమాను మొదలుపెట్టిన దగ్గర నుండి ఏదొక అవతారం ఏర్పడుతూనే ఉంది. మధ్యలో సినిమా షూటింగ్ ఆగిపోయే పరిస్థితి కలిగింది. ఈ సినిమాను నిర్మిస్తున్న లైకా ప్రొడక్షన్స్ తో శంకర్ కి గొడవలు, కోర్టు కేసులు మొదలయ్యాయి. ఇంతలో శంకర్.. రామ్ చరణ్ హీరోగా సినిమా అనౌన్స్ చేయడంతో గొడవ మరింత ముదిరింది. లైకా నిర్మాతలు ‘ఇండియన్ 2’ సినిమా పూర్తయ్యేంత వరకు శంకర్ మరో సినిమా చేయడానికి వీల్లేదని కోర్టుకెళ్లారు. ఇదిలా ఉంటే.. తాజాగా శంకర్ ‘అపరిచితుడు’ రీమేక్ అనౌన్స్ చేశాడు.
ఈ సినిమా ఎప్పుడు మొదలవుతుందో తెలియదు కానీ.. ‘ఇండియన్ 2’ సినిమా మాత్రం ఆగిపోలేదట. ఈ సినిమా తప్పకుండా పూర్తవుతుందని శంకర్ చెబుతున్నారు. ‘ఇండియన్ 2’ సినిమాను పూర్తి చేసిన తరువాత శంకర్ మిగిలిన సినిమాలను మొదలుపెట్టకూడదని లైకా కోర్టుకెళ్లిన సంగతి తెలిసిందే. దీనిపై చెన్నై కోర్టులో కేసు నడుస్తోంది. ఈ సినిమా కోసం విదేశీ నిపుణులు రావాల్సివుందని.. కోవిడ్ కారణంగా వాళ్లు ఇండియాకు రావడానికి భయపడుతున్నారని.. వాళ్లొచ్చిన వెంటనే షూటింగ్ యధావిధిగా మొదలవుతుందని శంకర్ తరపు న్యాయవాది కోర్టుకి చెప్పారు.
జూన్ నుండి కమల్ హాసన్ డేట్లు ఇచ్చే అవకాశం ఉందని.. ఆయన ఓకే చెప్పిన వెంటనే షూటింగ్ మొదలవుతుందని న్యాయవాది కోర్టుకి తెలిపారు. జూన్ లో సినిమాను మొదలుపెట్టడానికి లైకా నిర్మాతలు కూడా రెడీగా ఉన్నారని సమాచారం. అలానే విదేశీ నిపుణుల్ని ఇండియాకు రప్పించే బాధ్యత శంకర్ తీసుకున్నట్లు తెలుస్తోంది. మొత్తానికి ఎన్ని గొడవలు వచ్చినా.. ‘ఇండియన్ 2’ సినిమాను పూర్తి చేస్తారని క్లారిటీ మాత్రం వచ్చింది!
Most Recommended Video
‘వకీల్ సాబ్ ‘ నుండీ ఆకట్టుకునే 17 పవర్ ఫుల్ డైలాగులు!
ఈ 10 మంది టాలీవుడ్ హీరోలకి బిరుదులు మార్చిన సినిమాల లిస్ట్..!
లాయర్ గెటప్ లలో ఆకట్టుకున్న 12 మంది హీరోలు వీళ్ళే..!
