షారుక్ ఖాన్, సల్మాన్ ఖాన్, అమీర్ ఖాన్ వంటి స్టార్ హీరోలు వరుసబెట్టి హిట్లు కొట్టడం వల్ల నాలుగో ఖాన్ హీరో అయిన సైఫ్ ను బాలీవుడ్ ప్రేక్షకులు సరిగా పట్టించుకోలేదు పైన పేర్కొన్న ముగ్గురు స్టార్ హీరోలకి ఏమాత్రం తీసిపోని స్థాయిలో 90వ దశకంలో హిట్స్ సొంతం చేసుకొన్న ఘనత సైఫ్ అలీఖాన్ సొంతం. అయితే.. ఆస్తి విషయంలో ఖాన్ హీరోలకి ఏమాత్రం తీసిపోని సైఫ్ ఇటీవల జీరో సైజ్ బ్యూటీ కరీనా కపూర్ ను పెళ్ళాడి పండంటి మగబిడ్డకు జన్మనిచ్చిన విషయం తెలిసిందే.
పిల్లాడు పుట్టినప్పట్నుంచే నిరంతరం మీడియా నోట్లో నానడం అలవాటయ్యింది. ఇక ఎప్పుడైతే బుడ్డోడికి “తైమూర్ అలీఖాన్ పటౌడీ” అని పేరు పెట్టారో ఆ విషయంలో జరిగిన రచ్చ ఇటీవలకాలంలో ఏ స్కామ్ విషయంలోనూ జరిగి ఉండదు. మరో వారం రోజుల్లో బుడ్డ సైఫ్ మొదటి పుట్టినరోజును ఘనంగా నిర్వహించేందుకు కరీనా కపూర్ సన్నాహాలు చేస్తోందట. ఈ వేడుకలో బాలీవుడ్ సెలబ్రిటీలు భారీ సంఖ్యలో పాల్గొననున్నారు. అలాగే.. పటౌడీ కుటుంబ సభ్యులు, సైఫ్ తల్లి షర్మిలా టాగూర్ కూడా డిల్లీ నుండి రానుంది.
