భారీ బడ్జెట్ జోలికి వెళ్లకుండా.. సహజమైన కథలను ఎంపిక చేసుకుంటూ నాని నేచురల్ స్టార్ అనిపించుకున్నారు. అవే కథలు బోర్ కొట్టడంతో నాని రూట్ మార్చారు. ప్రస్తుతం అక్కినేని నాగార్జున తో కలిసి “దేవదాస్” అనే మల్టీ స్టారర్ మూవీ చేస్తున్నారు. ఈ సినిమా షూటింగ్ దాదాపు పూర్తి చేసుకుంది. ఈ నెల చివరి వారంలోనే విడుదలకు సిద్ధం అవుతోంది. ఈ సినిమా తర్వాత నాని “జెర్సీ” అనే స్పోర్ట్స్ నేపథ్యం ఉన్న సినిమాను చేయనున్నారు. “మళ్ళీ రావా” ఫేమ్ గౌతమ్ తిన్ననూరి దర్శకత్వంలో తెరకెక్కనున్న ఈ సినిమాను సితార ఎంటర్టైన్మెంట్స్ బ్యానర్ వారు నిర్మిస్తున్నారు. త్వరలో ఈ సినిమా సెట్స్ మీదకు వెళ్ళనుంది.
ప్రీ ప్రొడక్షన్ వేగంగా జరుగుతున్న ఈ సినిమాకి ఆర్టిస్టుల సెలక్షన్స్ చేస్తున్నారు. నాని మూడు షేడ్స్ చూపించబోతున్న ఈ చిత్రంలో హీరోయిన్ గా కష్మీరా పరదేశి ని ఎంపిక చేశారని తెలిసింది. ఈమె నాగ శౌర్య “@నర్తనశాల” సినిమాతో టాలీవుడ్లోకి అడుగుపెట్టింది. తొలిసినిమాతోనే అందరికి తెగ నచ్చేసింది. ఫిలిం మేకర్స్ దృష్టిలో కూడా పడింది. “జెర్సీ” మేకర్స్ కి అయితే తమ సినిమాలో హీరోయిన్ గా ఆమె సరిగ్గా సూటవుతుందని భావించి ఓకే చేసారంట. సంప్రదింపులు జరిగిపోయాయని, సంతకాలు పూర్తికాగానే ఈ విషయాన్ని అధికారికంగా ప్రకటించనున్నారని ఫిలిం నగర్ వాసులు చెప్పారు.
