డాలీ దర్శకత్వంలో పవర్ స్టార్ పవన్ కల్యాణ్ నటిస్తున్న‘కాటమరాయుడు’ సినిమా సెన్సార్ పూర్తి చేసుకుంది. నార్త్ స్టార్ ఎంటర్ టైన్మెంట్స్ పతాకంపై శరత్ మరార్ నిర్మిస్తున్న ఈ మూవీ యూరప్ లో షూటింగ్ పూర్తి చేసుకొచ్చిన వెంటనే ఎడిటింగ్ జరుపుకొని నిన్న సెన్సార్ సభ్యుల ముందుకు వెళ్లింది. వారు ఈ రోజు కాటమరాయుడు చిత్రాన్ని చూసి ఎటువంటి కట్స్ చెప్పకుండా యూ సర్టిఫికెట్ అందజేశారు. దీంతో రిలీజ్ కి అంతా క్లియర్ అయింది. పవర్ స్టార్ తొలిసారి ఫ్యాక్షన్ లీడర్ గా నటిస్తున్న ఈ చిత్రాన్ని ఉగాది కానుకగా మార్చి 24 న థియేటర్లోకి తీసుకురానున్నారు.
ఈ చిత్రానికి ప్రీమియర్ షోలు భారీ ఎత్తున ప్లాన్ చేసినట్లు సమాచారం. అమెరికాలో అయితే 23వ తేదీన ప్రీమియర్ షోలను ప్రదర్శించనున్నారు. రీసెంట్ గా విడుదలయిన టీజర్, పాటలు రికార్డులు సృష్టిస్తున్నాయి. దీంతో ఈ చిత్రంపై భారీ అంచనాలు నెలకొని ఉన్నాయి. ఇక ఈ మూవీ ప్రీ రిలీజ్ ఫంక్షన్ ను హైదరాబాద్ లో ఈ నెల 18వ తేదీన నిర్వహించాలని నిర్మాత ఏర్పాట్లు చేస్తున్నారు.
Also, do SUBSCRIBE to our YouTube channel to get latest Tollywood updates.
