పవన్‌కల్యాణ్ అభిమానులు ఎప్పుడెప్పుడా అని ఎదురుచూస్తున్న కాటమరాయుడు సినిమా మార్చి 24 శుక్రవారం నాడు థియేటర్లలో సందడి చేయనుంది. అయితే ఒకరోజు ముందుగానే ఈ సినిమా ప్రీమియర్ షో ల ద్వారా ఓవర్సీస్‌లో విడుదల కానుంది. వీరమ్ రీమేక్‌గా వస్తున్న పవన్ ‘కాటమరాయుడు’పై అంచనాలు భారీగానే ఉన్నాయి. అయితే పవన్ ఫ్యాన్స్‌కు ఓ రోజు ముందుగానే సెన్సార్ బోర్డ్ సభ్యుడొకరు శుభవార్త చెప్పారు.
యూకే, యూఏఈ సెన్సార్ బోర్డ్ సభ్యుడు ఉమైర్ సంధూ.. కాటమరాయుడు గురించి తన ట్విటర్లో రివ్యూ పోస్ట్ చేశారు. కాటమరాయుడు గురించి మొట్టమొదటి రివ్యూ ఇదేనని చెబుతూనే సినిమా బ్లాక్‌బస్టర్ అని తేల్చేశారు. సినిమా రివ్యూను తన ట్విటర్ ఖాతాలో పోస్ట్ చేసిన ఆయన… పవన్ కల్యాణ్, శృతిహసన్ కెమిస్ట్రీ బాగా వర్కవుట్ అయిందన్నారు. ఫైట్ స్టంట్స్ అదుర్స్ అని అభిప్రాయపడ్డారు. పవన్ కల్యాణ్ ఫ్యాన్స్‌తోపాటు ఫ్యామిలీ ఆడియన్స్‌ను కూడా అలరిస్తుందన్నారు. మొత్తంగా ఈ సినిమాకు ఆయన 4/5 రేటింగ్‌ను ఇచ్చేసి పవన్ ఫ్యాన్స్‌కు ముందే శుభవార్త చెప్పారు.
Also, do SUBSCRIBE to our YouTube channel to get latest Tollywood updates.
