ఎమ్.ఎమ్. కీరవాణి కుమారుడు, యంగ్ మ్యూజిక్ డైరెక్టర్, సింగర్ అయినటువంటి కాల భైరవ(Kaala Bhairava) త్వరలోనే పెళ్లి చేసుకోబోతున్నాడా? అంటే అవుననే టాక్ సోషల్ మీడియా నుండి మాత్రమే వినిపిస్తోంది.
కీరవాణి తనయుడిగా సినిమాల్లోకి ఎంట్రీ ఇచ్చిన ఇతను.. ఓ పక్క తన తండ్రి సంగీతం అందించే సినిమాల్లో మంచి మంచి పాటలు పడుతూనే మరోపక్క ‘కలర్ ఫోటో’ ‘కార్తికేయ 2’ వంటి సూపర్ హిట్ సినిమాలకి సంగీతం అందించి మంచి గుర్తింపు సంపాదించుకున్నాడు.
ఇతని సోదరుడు సింహా కోడూరి మొన్నమధ్య ‘మత్తు వదలరా’ ‘మత్తు వదలరా 2’ వంటి సినిమాలతో సూపర్ హిట్లు అందుకున్నాడు. అలాగే పెళ్లి కూడా చేసుకుని ఫ్యామిలీ లైఫ్లోకి ఎంట్రీ ఇచ్చాడు. సీనియర్ నటుడు మురళీ మోహన్ మానవరాలితో సింహా వివాహం జరిగింది. తర్వాత అందరి ఫోకస్ కాల భైరవ వైపు షిఫ్ట్ అయ్యింది. ఇతనికి కూడా పెళ్లి కుదిరినట్టు వార్తలు వచ్చాయి.
నిర్మాత బి.వి.ఎస్.ఎన్. ప్రసాద్ (శ్రీ వెంకటేశ్వర సినీ చిత్ర బ్యానర్ అధినేత) మానవరాలితో కాల భైరవ పెళ్లి ఫిక్స్ అయినట్టు ప్రచారం జరిగింది. కానీ దానిపై ఎటువంటి క్లారిటీ రాలేదు. అయితే ఇప్పుడు సోషల్ మీడియాలో.. ఇతను హీరోయిన్ చాందినీ చౌదరితో ప్రేమలో ఉన్నాడని.. త్వరలోనే పెళ్లి చేసుకోబోతున్నారంటూ ప్రచారం జరుగుతుంది. ఈ విషయం పై కూడా ఎటువంటి క్లారిటీ రాలేదు.
చాందినీ చౌదరి, కాల భైరవ…మంచి స్నేహితులు. ‘కలర్ ఫోటో’ సినిమా టైమ్ నుండి వీళ్ళకి పరిచయం ఉంది. కానీ వీళ్ళు రిలేషన్ షిప్లో ఉన్నారు అనే టాక్ ఎలా మొదలైందో? ఎందుకు మొదలైందో? అందులో నిజముందో లేదో? తెలియాలంటే మరికొన్ని రోజులు ఆగాల్సిందే.
