మహానటి తర్వాత కీర్తి సురేష్ తెలుగులో ఓ హీరోయిన్ ఓరియెంటెడ్ సినిమా అంగీకరించిన విషయం తెలిసిందే. ఇటీవల “118”తో మంచి కమర్షియల్ హిట్ అందుకున్న మహేష్ కోనేరు నిర్మిస్తున్న ఈ చిత్రం ద్వారా నరేంద్ర దర్శకుడిగా పరిచయమవుతున్నాడు. ఈస్ట్ కోస్ట్ ప్రొడక్షన్స్ పతాకంపై తెరకెక్కనున్న ఈ చిత్రం రెగ్యులర్ షూటింగ్ త్వరలోనే ప్రారంభం కానుండగా.. ఈ సినిమా క్యాస్ట్ ను ఫైనల్ చేశారు.
“మహానటి” చిత్రంలో కీర్తి సురేష్ పెంపుడు తండ్రిగా కీలకపాత్ర పోషించిన రాజేంద్రప్రసాద్.. అలాగే అదే సినిమాలో మరో ప్రధాన పాత్ర పోషించిన నరేష్ లు ఈ చిత్రంలో నటిస్తున్నారు. కమల్ కామరాజు, భానుశ్రీ మెహ్రా, నడియాలు కూడా ఈ సినిమాలో నటిస్తున్నారు. క్యాస్ట్ ను బట్టి సినిమాపై మంచి అంచనాలు పెరిగాయి. మరి సినిమా జోనర్ ఏమిటి అనేది తెలియాలంటే కనీసం టీజర్ వచ్చేవరకైనా వెయిట్ చేయాల్సిందే.
