సూపర్ స్టార్ మహేష్ బాబు నటిస్తున్న స్పైడర్ మూవీ రెండు పాటల మినహా టాకీ పార్ట్ మొత్తం పూర్తి అయింది. ఆ పాటలకు కాస్త బ్రేక్ ఇచ్చిన మహేష్ నెక్స్ట్ సినిమా షూటింగ్ మొదలెట్టారు. శ్రీమంతుడు వంటి హిట్ ఇచ్చిన కొరటాల శివ దర్శకత్వంలో మహేష్ బాబు 24 వ మూవీ చేస్తున్నారు. “భరత్ అను నేను” అనే టైటిల్ ఖరారు చేసిన ఈ మూవీలో మహేష్ ముఖ్యమంత్రిగా నటించనున్నారు. హైదరాబాద్ సిటీ శివార్లలో వేసిన అసెంబ్లీ సెట్ లో మహేష్ పై కీలక సన్నివేశాలను తెరకెక్కిస్తున్నారు.
ఈ షూటింగ్ లో బాలీవుడ్ బ్యూటీ కైరా అద్వానీ జాయిన్ అయింది. ఈరోజు వారిద్దరి కాంబినేషన్ సీన్ చిత్రీకరణ మొదలు పెట్టినట్లు చిత్ర యూనిట్ వెల్లడించింది. భారీ బడ్జెట్ తో డి.వి.వి. దానయ్య నిర్మిస్తున్న ఈ సినిమాకి దేవిశ్రీ ప్రసాద్ సంగీతం అందిస్తున్నారు. 2018 సంక్రాంతికి విడుదల కానున్న ఈ సినిమాపై భారీ అంచనాలున్నాయి.
Also, do SUBSCRIBE to our YouTube channel to get latest Tollywood updates.
