‘భరత్ అనే నేను’ చిత్రంతో టాలీవుడ్ కు ఎంట్రీ ఇచ్చింది కియారా అద్వానీ. మొదటి చిత్రంతోనే సూపర్ హిట్ అందుకోవడంతో మెగా పవర్ స్టార్ రాంచరణ్ ‘వినయ విధేయ రామా’ చిత్రంలో ఛాన్స్ కొట్టేసింది. ఇప్పుడు ఆమె బాలీవుడ్ లో నటించిన ‘కభీర్ సింగ్’ చిత్రం కూడా పెద్ద హిట్టవ్వడంతో ఈమె క్రేజ్ మరింత పెరిగిందనే చెప్పాలి. ప్రస్తుతం అక్షయ్ కుమార్ హీరోగా చేస్తున్న ‘గుడ్ న్యూస్’,’లక్ష్మీ బాంబ్’ వంటి చిత్రాల్లో నటిస్తుంది. ఇదిలా ఉండగా ఈమె ఇపుడు ఓ బడా ఆఫర్ కొట్టేసిందట.
అదేంటంటే.. కోలీవుడ్ స్టార్ ఇలా దళపతి విజయ్ హీరోగా లోకేష్ కనకరాజ్ డైరెక్షన్ లో ఓ చిత్రం తెరకెక్కబోతుంది. ఇది విజయ్ కు 64వ చిత్రం కావడం విశేషం. కాగా.. ఇందులో హీరోయిన్ గా కియారా అద్వానీని తీసుకోవాలనే ఆలోచనలో చిత్ర యూనిట్ సభ్యులు ఉన్నారంట. కియారా కి కోలీవుడ్ ఎంట్రీ కూడా ఇవ్వాలని ఎప్పటి నుండో అనుకుంటుందట. ఒకవేళ ఈ చిత్రంలో కియారా ను ఫైనల్ చేస్తే.. ఆమెకి కోలీవుడ్లో గ్రాండ్ ఎంట్రీలభించినట్టే. ఒకవేళ ఆ చిత్రం హిట్టైతే ఆమె క్రజ్ డబుల్ అయ్యే ఛాన్స్ కూడా ఉంది. మరి చివరికి ఏమవుతుందో చూడాలి.
