“భరత్ అనే నేను” చిత్రంతో కథానాయికగా తెలుగు తెరకు పరిచయమైన కీయారా అద్వానీ.. ఆ సినిమాలో తన గ్లామర్ తో మాత్రమే కాకుండా నటనతోనూ మంచి పేరు తెచ్చుకుంది. పెద్ద గ్యాప్ లేకుండానే దానయ్య బ్యానర్ లోనే రామ్ చరణ్ సినిమాలో ఛాన్స్ కొట్టేసింది. ఆమె నటించిన “వినయ విధేయ రామ” వచ్చేవారం విడుదలకు సిద్ధమవుతుండగా.. ఇవాళ మీడియాతో ముచ్చటించింది. ఈ సందర్భంగా మీడియా అడిగిన ప్రశ్నలకు కీయారా సమాధానాలు చెప్పిన తీరు చూసి సీనియర్ జర్నలిస్టులు సైతం విస్తుబోయారట.
కీయారా నుంచి వినయ విధేయ రామ గురించిన ఏదో ఒక కీలకమైన విషయం రాబట్టాలని మీడియావారు విశ్వప్రయత్నం చేసినప్పటికీ కీయారా వారు సంధించిన ప్రశ్నలకు ధీటైన జవాబులిచ్చిందట. ముఖ్యంగా నీ ఫేవరెట్ యాక్టర్ ఎవరు అని అడిగినప్పుడు తాను పని చేసిన ఇద్దరు హీరోలైన చరణ్, మహేష్ ల పేరు పెట్టకుండా తాను హిందీలో వర్క్ చేస్తున్న “కబీర్ సింగ్”కి ఒరిజినల్ వెర్షన్ అర్జున్ రెడ్డి హీరో అయిన విజయ్ దేవరకొండ అని చెప్పడం విశేషం. భవిష్యత్ తో ఆమె విజయ్ తో కలిసి వర్క్ చేస్తుందా లేదా అని తెలియదు కానీ.. ఇలా మాట దాటేయకుండా సందర్భాన్ని బట్టి పర్ఫెక్ట్ ఆన్సర్ ఇచ్చి అందరి హీరోలను తన కిట్టీలో వేసుకోవడం అనేది కీయారాకీ మాత్రమే చెల్లింది.
